अहिले नेपाली काँग्रेसको १४ औँ महाधिबेशनको चर्चा चलिरहेको छ । ढिलोगरी सम्पन्न हुन लागेको अधिबेशनमा चर्चाको विषय भनेको नेतृत्वमा युवा पुस्ताको उपस्थिति हुनु हो । अधिकांश जिल्लामा, वडा र पालिका स्तरका निर्वाचन सम्पन्न भैसकेका छन् । संचार माध्यम र सामाजिक संजालमा प्रकासन र ब्यक्त भए अनुसार स्थानीय तहमा चर्चित अनुहार भन्दा नयाँ तथा युवा पुस्ता अगाडी आउनु हो ।
प्रसङ्ग असोज १० गते सम्पन्न नेपाली कांग्रेस जलजला गाउँपालिकाको १४ औं अधिबेशन र फेरी पनि लोकप्रिय मत प्राप्त गर्ने एक युवाको हो । सदस्य पद बाहेक अन्य सबै पदमा कडा प्रतिस्पर्धा सहित निर्वाचन सम्पन्न भएकोले पनि निकै चासोको रुपमा हेरिएको जलजला कांग्रेसको अधिबेसनमा सचिव पदका उमेद्वार नविन जिसीले १३ औं अधिबेसनमा जस्तै आफ्नो लोकप्रियता कायम राख्दै १४ महाधिबेसनमा पनि लोकप्रिय युवा नेता सावित गरेका छन् । को हुन् त नविन जिसी ?
पर्वतको साविक माझफाट गाविस हालको जलजला गाउँपालिका वडा नं -३ निवासी ३० वर्षीय नविन जिसी नेपाली कांग्रेसको मात्रै नभएर गाउँ कै सक्रिय र प्रिय युवा हुन् । उनको सक्रियता, क्रियाशीलताक कारण नै पार्टी भित्रपनि प्रिय बन्दै लोकप्रिय मत प्राप्त गरेका छन् । उनले १४ अधिबेसनमा खसेको मत मध्ये सबैभन्दा धेरै १०० मत प्राप्त गर्दै सचिव पदमा लोकप्रिय मतका साथ बिजय भए ।
जिसीले अहिले मात्रै नभई १३ औं अधिबेसनमा पनि लोक प्रिय मत प्राप्त गरी नेपाली कांग्रेसको साविक माझफाट गाविसको सचिवमा निर्वाचित भएका थिए । तत्कालिन अवस्थामा कांगेसका २६३ जना क्रियाशील सदस्य रहेकोमा उनले २२६ मत प्राप्त गरेका थिए । यसबाट पनि प्रष्ट हुन्छ कि पार्टी भित्र उनको प्रभावकारिता र लोकप्रियता ।
विद्यालय उमेरदेखि नै विद्यार्थी राजनीतिमा झुकाव राख्ने जि सी, बि स २०६० सालमा म्याग्दी क्याम्पसमा अध्ययन गर्न थालेदेखि सक्रिय भएका हुन् । नेपाल विद्यार्थी संघको तर्फबाट २०६५ सालमा म्याग्दी बहुमुखी क्याम्पसको स्ववियु उपसभापति भैसकेका उनि नेबिसंघ पर्वतको २ कार्यकाल सम्म उपसभापति भइ नेतृत्व गरिसकेका छन् ।
राजनैतिक रुपमा मात्रै नभई गाउँको एक सक्रिय र सहयोगी युवाको रुपमा चिनिने नविन जिसी विभिन्न संघ संस्थाको नेतृत्व समेत गरिसकेका छन् ।युवा क्लव, सहकारी, बन, धार्मिक संघ-संस्था, शैक्षिक संस्था, उपभोक्ता समिति लगायतका संघ संस्थामा समेत आवद्दभइ कार्य गरिरहेका छन् ।
म्यग्दीकाली एफ एम मा ७ वर्ष सम्म रेडियो पत्रकारिताको अनुभव समेत संगालेका जिसीले म्याग्दीमा एक गैरसरकारी संस्था मार्फत “अन्तर र आन्तरिक पार्टी लोकतन्त्र मार्फत सुशासन” भन्ने कार्यक्रम अन्तर्गत “लोकतन्त्र सुशाशन र पारदर्शिता” भन्ने कार्यक्रम ३ वर्ष सम्म संचालन गरेका छन् । युवा ब्यबसायी समेत रहेका नविन जिसी मल्लाजको मात्रै नभई सिंगो जलजलाको प्रेरणादायी युवा हुन् । यसैगरी लोकप्रिय बन्दै गाउँ समाज र देशको बिकासमा नवीनका पाइला अगाडी बढिरहेको देख्न पाइयोस हार्दिक शुभकामना !!!
