जलजला , कात्तिक-३०, पर्वतको जलजला -३ मा बोलेरो जिप दुर्घटना भएको छ । पर्बत बेनीबाट मल्लाज माझफाट तर्फ जादै गरेको बोलेरो जिप बुधबार साँझ ५ बजेतिर भुर्तुलाको भिर भन्दा केहि तल घुम्तिनिर दुर्घटना भएको हो ।
दुर्घटनामा १० जना यात्रु घाइते भएका छन् भने १ जनालाइ अल्ली बढी चोट लागेको छ । १२ जना यात्रु लिएर मल्लाज तर्फ गैरहेको ग १ ज ५२९६ नम्बरको जिप सडकबाट १५० मिटर तल खसेको थियो तर पाखोमा रहेका रुखले छेक्दा धेरै तल खस्नबाट जोगिएको र ठुलो क्षति हुनबाट जोगिएको छ ।
घटनामा जिपका चालक मल्लाजको रातो ढुंगाका डम्मर बहादुर दमाईलाइ बढी चोट लागेको छ । दुर्घटना भए लगत्तै पर्बत बेनीका युवाले तत्कालै घटनास्थल पुगेर उद्दारकार्य गरेका छन् । युवाहरुले घाइतेहरुलाई बेनी अस्पताल म्याग्दीमा ल्याएका छन् अहिले घाइतेको बेनिअस्पतालामा उपचार भैरहेको छ । बढी चोटपटक लागेका ५ जना घाइतेहरुलाई पोखरा लगिएको पर्बत प्रहरी चौकीका बरिस्ठ हवल्दार दिपेन्द्र श्रेष्ठले बताउनुभयो ।
