बेनी, असार-१, नेपाल राष्ट्रिय शिक्षक संगठन म्याग्दीको नयाँ नेतृत्व चयन गरिएको छ। संगठनको १४ औं जिल्ला अधिवेशनले रघुगंगा माध्यमिक विद्यालयका प्रधानाध्यापक रमेश सिंह ठकुरीलाई सर्वसम्मत रूपमा अध्यक्षमा चयन गरेको छ।
नेकपा एमालेसँग वैचारिक सामीप्यता राख्दै आएको राष्ट्रिय शिक्षक संगठनको अधिवेशन म्याग्दीको सदरमुकाम बेनीमा सम्पन्न भएको हो। अधिवेशनले नयाँ कार्यसमिति सर्वसम्मत रुपमा चयन गरेको छ।
उपाध्यक्षमा बेनी सामुदायिक माध्यमिक विद्यालयका शिक्षक भीमबहादुर घर्ती चयन भएका छन् भने महिला उपाध्यक्षमा वीरमाया विश्वकर्माले जिम्मेवारी पाएकी छिन्।
सचिवमा मनबहादुर रोका, कोषाध्यक्षमा टेकप्रसाद सुवेदी, सह–सचिवमा कुशुम पुर्जा र सह–कोषाध्यक्षमा आन्जन खत्री चयन भएका छन्।
त्यसैगरी, सदस्य पदमा प्रकाश सुवेदी, दूतबहादुर गर्बुजा, गोविन्द थापा, कारण कँडेल, नवीन पुन, ठाकुर सुवेदी, गंगा बानियाँ, सीता राना, डम्मर सुवेदी, रेशमबहादुर बानियाँ, नवीन रोका, कृष्णप्रसाद सापकोटा, कुशुम शाही, बेलबहादुर बिक र इन्द्र पुन चयन भएका छन्।
अध्यक्षमा चयन भएपछि रमेश सिंह ठकुरीले संगठनलाई अझ व्यवस्थित बनाउने, शिक्षकहरूको हकहितका सवालमा सशक्त भूमिका निर्वाह गर्ने र शिक्षाको गुणस्तर अभिवृद्धि गर्न योगदान दिने प्रतिबद्धता जनाउनुभयो।
यहीसँगै, नयाँ नेतृत्वलाई शुभकामना व्यक्त गर्दै शिक्षकहरूबीच एकताको सन्देश प्रवाह भएको अधिवेशन आयोजक समितिले जानकारी दिएको छ।
