बेनी, पुष-२८, म्याग्दी उद्योग बाणिज्य संघ द्वारा आयोजना गरिएको आठौँ म्याग्दी महोत्सवको उद्घाटन गरिएको छ । पुष २८ गते नेपाली कांग्रेसका सभापति तथा पूर्व प्रधानमन्त्री शेरबहादुर देउवाले महोत्सवको उद्घाटन गर्नुभएको हो । उद्घाटन गर्दै प्रमुख अतिथि देउवाले मुलुकमा उद्योगमैत्री वातावरण बनाउन आवश्यक रहेको बताउनुभएको छ । सम्बोधन गर्दै देउबाले सरकारले उद्योगी व्यवसायीलाई लगानीको वातावरण सिर्जना गरेर मुलुकमा रोजगारी सिर्जना गर्नुपर्नेमा उहाँले जोड दिनुभयो ।उहाँले देशमा उद्योग मैत्री वातावरण तयार हुँदै गएकाले उद्योगी व्यवसायीलाई निर्धक्क भएर लगानी गर्न आग्रह गर्नुभयो ।
म्याग्दी जिल्ला मुक्तिनाथको प्रवेशद्धार र कालिगण्डकी नदीको किनारमा रहेकाले यहाँ धार्मिक पर्यटनको ठूलो संभावना भएको बताउँदै उहाँले पर्यटन उद्योगमा निजी क्षेत्रले लगानी वृद्धि गर्नुपर्ने उहाँको भनाई थियो ।
जलविद्युत,पर्यटन र कृषि क्षेत्रमा संघ,प्रदेश र स्थानीय सरकारले निजी क्षेत्रसँग मिलेर लगानी गरे रोजगारी सिर्जना हुनुका साथै उत्पादनमा वृद्धि हुने उहाँले विश्वास व्यक्त गर्नुभयो । म्याग्दीमा रहेका आकर्षक पर्यटकीय स्थलहरु,प्राकृतिक स्रोतसाधन, कृषि, वनपैदावार, जलविद्युत र खनिज प्रदार्थ समृद्धिका आधारहरु भएकाले तिनै तहका सरकारले निजी क्षेत्रसँग मिलेर काम गर्नुपर्ने उहाँको भनाई थियो ।
मुलुकको आर्थिक विकास र समृद्धिको लक्षय हासिल गर्नका लागि स्वदेशी उत्पादनको वृद्धि,उद्योग मैत्री कानून निर्माण र लगानी बढाउन सरकारले पहल गर्नुपर्ने उहाँको भनाई थियो । सभापति देउवाले उद्योग तथा व्यवसायमा निजी क्षेत्रले लगानी वृद्धि गरी रोजगारी सिर्जना गर्नुपर्ने विचार व्यक्त गर्नुभयो ।
कालिगण्डकी कोरिडोर सडक अन्तर्गत निर्माणधिन मालढुङ्गा–बेनी सडक,निर्माणधिन बेनी अस्पताल भवन लगायतका अलपत्र परेका विकास योजनाहरुका वारेमा उहाँले सरकारलाई ध्यानकर्षण गराउने प्रतिवद्धता व्यक्त गर्नुभयो । उहाँले विभिन्न कारणले जिल्लामा अलपत्र परेका विकास आयोजनाहरुलाई यथाशक्य चाँढो सम्पन्न गर्न सरकारसँग पहल गर्ने उहाँले प्रतिवद्धता व्यक्त गर्नुभयो ।
जिल्लाको पर्यटन प्रवद्र्धन,कला संस्कृतिको संरक्षण,कृषि तथा स्थानीय उत्पादनको बजारीकरण र अािर्थक कारोबारलाई चलायमान बनाउने उद्देश्यले म्याग्दी उद्योग वाणिज्य संघले महोत्सव आयोजना गरेको संघका अध्यक्ष सुविन श्रेष्ठले बताउनुभयो ।
महोत्सवको उद्घाटन कार्यक्रममा म्याग्दीमा जन्मिएर दक्षिण कोरियाका विभिन्न क्षेत्रमा लगानी गरेर उत्कृष्ट व्यवसायीको पहिचान बनाउनुहुने विनोद कुँबर र कृषि क्षेत्रमा खोज अनुशन्धान गरी ख्यातीप्राप्त गर्नुहुने कृषि बैज्ञानिक टिकाबहादुर कार्कीलाई सभापति देउवाले प्रमाणपत्र र दोसल्ला ओढाएर सम्मान गर्नुभएको छ ।
महोत्सवको उद्घाटन कार्यक्रमा जिल्लाबाट संघ,प्रदेश र स्थानीय तहमा प्रतिनिधित्व गर्ने जनप्रतिनिधि,जिल्ला स्थित राजनीतिक दलका प्रमुख एवम् प्रतिनिधिहरुले जिल्लाको विकासका लागि साझा प्रतिवद्धताको खाँचो रहेको विचार व्यक्त गर्नुभएको थियो । कार्यक्रम उद्घाटन हुनुपूर्व बेनी बजारमा जातजाति, संघ संस्था, विद्यालय लगायतको आअकर्शक् झाँकीले बजार परिक्रमा गरेको थियो।
माघ ८ गते (१० दिन )सम्म संचालन हुने महोत्सवमा खुल्ला दोहोरीगीत, रत्यौली गीत, भजन, एकल नृत्य, ब्याण्ड प्रस्तुति, भलिबल, बास्केटबल लगायतका खेलकुद समेत आयोजना गरिएको छ । कार्यक्रामा राष्ट्रिय तथा स्थानिया कलाकारहरुको प्रस्तुति रहने आयोजकले जनाएको छ ।
तस्विर
