बेनी, जेठ-९, म्याग्दीको बेनीमा जेसिज सप्ताह २०२४ शुरु भएको छ । २६ औं स्थापना दिवसको अवसरमा म्याग्दी जेसिजद्वारा आयोजित जेसिज सप्ताह-२०२४ को आज एक कार्यक्रमका बीच उद्टघाटन भएको हो । सप्ताहको म्याग्दीका जेसिसका संस्थापक अध्यक्ष रमेश कुमार श्रेष्ठले उद्घाटन गर्नुभएको हो । सप्ताहको पहिलो दिन अन्तर मा. बि. स्तरिय निबन्ध लेखन प्रतियोगिताको आयोजना गरिएको छ । प्रतियोगितामा बेनी स्थित ६ वटा विद्यालयका छात्र छात्राहरु सहभागी भएका छन् ।
बेनि नगरपालिका-७ अवस्थितम्याग्दी जेसिजको सचिवालयमा जेष्ठ ९ गते सम्पन्न भएको जेसिज सप्ताहको उद्घाटन कार्यक्रम शाखा अध्यक्ष जेसि दिनेश बानियाँको अध्यक्षता, म्याग्दी जेसिजका संस्थापक अध्यक्ष, एवं बेनी नगरपालिका-७ का वडा अध्यक्ष सिनेटर रमेश कुमार श्रेष्ठ को प्रमुख आतिथ्यता, म्याग्दी जेसिजका पुर्व अध्यक्ष जेसि बिनय श्रेष्ठको बिशिस्ट आतिथ्यथा, म्याग्दी जेसिजका बरिष्ठ कार्यकारीणि उपाध्यक्ष तथा जेसिज सप्ताह-२०२४ का मुल संयोजक जेसि दिनेश बिश्वकर्माको स्वागतमा सम्पन्न भएको थियो ।
कार्यक्रमको संचालन कार्यक्रम संयोजक तथा म्याग्दी जेसिजका कोषाध्यक्ष जेसि बिनोद घर्ति क्षेत्रीले संचालन गर्नुभएको मेडिया म्यानेजर जेसी कपिल बानियांले बताउनुभएको छ ।
