पर्वत, असर-३१, पर्वतको कुश्मा नगरपालिका वडा न ३ दुर्लुङमा भएको जीप दुर्घटनामा थप १ जना बालकको मृत्यु भएको छ । दुघर्टनामा परी घाइते भएका ४ बर्षका बालक प्रिन्स क्षेत्रीको उपचारको क्रममा मृत्यु भएको हो । गण्डकी मेडिकल कलेज पोखरामा उपचारको क्रममा बालकको मृत्यु भएको जिल्ला प्रहरी कार्यालय पर्वतले पुष्टि गरेको छ ।
यस अघि दुर्घटनामा परी ७ बर्षिया बालिका सितल विकको मृत्यु भएको थियो । दुर्घटनामा परी अन्य ११ जना घाइते भएका छन् ।
शनिबार कुश्माबाट दुर्लुङ जाँदै गरेको ग १ ज ५२२९ नम्बरको बोलेरो जिप देउरालीमा दुर्घटनामा परेको थियो ।दुर्घटनामा चालक सहित १२ जना घाइते ६ को अवस्था गम्भीर गम्भीर घाइतेलाई थप उपचारका लागि पोखरा रिफर गरीएको थियो ।
