जलजला, चैत-२१, पर्वतको जलजला गाउँपालिका वडा नं. ३ मा सञ्चालित मल्लाज बहुउद्देश्यीय सहकारी संस्था लिमिटेड राष्ट्रिय सहकारी महासंघ नेपालद्वारा प्रदान गरिने उत्कृष्ट सहकारी व्यवसाय पुरस्कारबाट पुरस्कृत हुने भएको छ ।
राष्ट्रिय सहकारी महासंघले हरेक वषए प्रदान गर्दै आएको उत्कृष्ट सहकारी व्यवसाय पुरस्कारबाट गण्डकी प्रदेशका तर्फबाट मल्लाज बहुउद्देश्यीय सहकारी पुरस्कृत हुने भएको हो । महासंघले ६६ औं राष्ट्रिय सहकारी दिवसको अवसरमा आइतवार आयोजित विशेष समारोहमा पुरस्कृत हुने व्यक्तित्व तथा संघ÷संस्थाको नाम सार्वजनिक गरेको हो । मल्लाज बहुउद्देश्यीय सहकारी संस्थालाई यस वर्ष गण्डकी प्रदेशको उत्कृष्ट संस्थाका रुपमा छनोट गरिएको छ ।
महासंघले उत्कृष्ट कार्य गर्ने सहकारी संघ÷संस्था तथा अभियानको प्रवद्र्धनमा योगदान पु¥याउने अभियन्ता लगायतका विभिन्न विद्यामा पुरस्कार घोषणा गरेको छ ।
कोशी प्रदेशबाट साना किसान कृषि सहकारी संस्था लिमिटेड झापा, मधेश प्रदेशबाट साना किसान कृषि सहकारी संस्था लिमिटेड सर्लाही, बागमती प्रदेशबाट ज्योति मिर्मिरे सामुहिक बचत तथा ऋण सहकारी संस्था लिमिटेड काभ्रे, लुम्बिनी प्रदेशबाट तिलोत्तमा बहुमुखी सहकारी संस्था लिमिटेड रुपन्देही, कर्णाली प्रदेशबाट त्रिपुरा महिला बहुउद्देश्यीय सहकारी संस्था लिमिटेड डोल्पा र सुदुरपश्चिम प्रदेशबाट जनकल्याण बचत तथा ऋण सहकारी संस्था लिमिटेड कैलाली पुरस्कृत भएका छन् । राष्ट्रिय सहकारी महासंघले चैत २० गते पुरस्कृतको नाम घोषणा गर्ने र अन्तर्राष्ट्रिय सहकारी दिवसको अवसरमा पुरस्कार प्रदान गर्ने गर्दछ ।
उत्कृष्ट सहकारी संघ पुरस्कारबाट जिल्ला सहकारी संघ लिमिटड काभ्रे पुरस्कृत हुने भएको छ । राष्ट्रिय सहकारी अभियन्ता पुरस्कारबाट बाग्लुङका शान्तराज शर्मालाई पुरस्कृत गरिने भएको छ । शर्माले लामो समयसम्म महासंघको व्यवस्थापकीय नेतृत्वमा रहेर काम गर्नु भएको थियो । त्यसैगरी सहकारी पत्रकारिता पुरस्कारबाट सहकारी अखबार अनलाइनका सम्पादक खिलानाथ दाहाल पुरस्कृत हुनुभएको छ ।
महासंघका संचालक डिवी बस्नेतको संयोजकत्वमा संचालकद्वय टिका बुढाथोकी र राजेन्द्र पौडेल तथा भुमि व्यवस्था, सहकारी तथा गरिवी निवारण मन्त्रालयका शाखा अधिकृत खेमनारायण पौडेल र सहकारी विकास बोर्डका उपनिर्देशक टाइन्द्र अधिकारी रहेको उपसमितिले सिफारिस गरेको आधारमा महासंघको २०५ औं बोर्ड बैठकले पुरस्कृत संघ÷संस्था तथा व्यक्तित्वहरुको छनोट गरेको थियो ।
आइतबार महासंघका अध्यक्ष मिनराज कडेलको अध्यक्षतामा भएको कार्यक्रममा भुमि व्यवस्था, सहकारी तथा गरिवी निवारण मन्त्रालयका सचिव डा. दामोदर रेग्मी, महासंघका निवर्तमान अध्यक्ष केशव बडाल, राष्ट्रिय सहकारी विकास बोर्डका सहअध्यक्ष मित्रराज दवाडी, सल्लाहकार रविन्द्र केसी, वरिष्ठ उपाध्यक्ष ओमदेवी मल्ल, सहकारी विभागका रजिष्ट्रार नमराज घिमिरे, उपाध्यक्ष रमेश पोखरेलले सम्बोधन गर्नु भएको थियो । कार्यक्रममा सहकारीको दिगोपन ः स्वनियमन र सुशासन भन्ने यस वर्षको थिमका विषयमा पूर्व सचिव शिशिर कुमार ढुङ्गानाले कार्यपत्र प्रस्तुत गर्नु भएको थियो ।
