राष्ट्रिय सभाका अध्यक्ष तिमिल्सिनाद्वारा जलजला बगरको पुल निर्माण छिट्टो अगाडी बढाउन निर्देशन

तस्विर : देवी जिसी

६२९ पटक पढिएको

देवी जिसी/पर्वत, भदौ-१३, राष्ट्रिय सभाका अध्यक्ष गणेश तिमिल्सिनाले जलजलाको बगर र म्याग्दीको बेनी जोड्ने पुलको कामलाइ छिट्टो अगाडी बढाउन निर्देशन दिनुभएको छ । अध्यक्ष तिमिल्सिनाले आज सोमबार पर्बत बगरको स्थलगत अवलोकन गर्नुभएको हो । उहाँले बेनी र बगर जोड्ने पुलकाे बारेमा आफ्नो तर्फबाट पहल भइरहेको बेनी नगरपालिका प्रमुख र जलजला गाउँपालिका प्रमुखलाई समेत बेलिब्रिजकाे निर्माण प्रक्रिया छिटो प्रक्रियाअगाडि बढाउन सुझाव दिनुभएको हो ।

अध्यक्ष तिमिल्सिना पितृ शोकमा पर्नुभएका संबिधान सभा सदस्य एवं नेपाल कम्युनिष्ट पार्टी एमाले गण्डकी प्रदेश अध्यक्ष नवराज शर्मा र उहाँको परिवारलाई समवेदना प्रकट गर्न जलजला गाउँपालिका वडा नं २ उहाँको निवासमा समेत पुग्नु भएको छ । सोही क्रममा स्थानीय बासिन्दा, जनप्रतिनिधि लगायतसंग सँग भेटघाट र बगर वासीको समस्या सुन्नुहुँदै प्रमुख समस्याकाे रुपमा रहेको बेनी र बगर जोड्ने पुलकाे बारेमा आफ्नो तर्फबाट पहल भइरहेको बताउनुभएको हो ।

तिब्र बजारीकरण भैरहेको बगरमा गत असारमा कालिगण्डकी नदीमा आएको बाढीले बाटो बगाएपछी सडक संजालबाट पूर्णत बिच्छेद भएको छ । आवातजावत गर्ने एक मात्र झोलुंगे पुलपनि जिर्ण हुदा जोखिम बढेर गएको छ। अहिले बगरबासिले सम्पूर्ण सामाग्री सोही पुलबाट ओसारपोसार गर्ने गरेका छन् ।