जलजला अनलाईनप्रकाशित मिति: २०७८ चैत्र १५, मंगलबार (६ महिना अघि)
छैठौं राष्ट्रिय रनिङ शिल्ड खुल्ला दोहोरी गीत प्रतियोगिता चैत १६ देखि हुने
तस्विर : सामाजिक संजाल
१६६ पटक पढिएको
काठमाडौँ, चैत-१५, राष्ट्रिय लोक तथा दोहोरी गीत प्रतिष्ठान नेपालले यही चैत १६ देखि १९ गतेसम्म ‘छैठौं राष्ट्रिय रनिङ्ग शिल्ड खुल्ला दोहोरी गीत प्रतियोगिता २०७८’ को आयोजना गर्ने भएको छ ।
सोमबार रिपोर्टर्स क्लब नेपालमा पत्रकार सम्मेलनको आयोजना गर्दै संस्थाले प्रतियोगिताको सम्पूर्ण तयारी पूरा भएको जनाएको छ ।
कोराना भाइरसका कारण दुई वर्ष रोकिएको दोहोरी प्रतियोगिता काठमाडौंको भृकुटीमण्डपको बगैँचामा हुने राष्ट्रिय लोक तथा दोहोरीगीत प्रतिष्ठान नेपालका केन्द्रीय अध्यक्ष रमेश बिजीले जानकारी दिनुभएको छ ।
यस्तै, उहाँले लोक दोहोरीका पारखीहरुलाई यस प्रतियोगिताले भरपुर मनोरञ्जन दिने भन्दै सम्पूर्ण महानुभावहरुलाई सहभागिताको लागि आग्रह गर्नुभयो । प्रतियोगितामा देशैभरिका करिब ७० समूहको सहभागिता रहने महासचिव सुवास केसीले जानकारी दिनुभएको छ ।
प्रतियोगितामा प्रथम स्थान हाँसिल गर्नेलाई रु दुई लाख २५ हजार, दोस्रो र तेस्रोलाई क्रमशः एक लाख ५० हजार र एक लाख पुरस्कार दिईने पनि जनाईएको छ ।
साथै, प्रतियोगितामा सान्त्वना हुनेलाई समेत नगद ५० हजार, मेडल र प्रमाणपत्रको व्यवस्था गरिएको जनाईएको छ ।
