मिसन असफल भएपछि फर्किन् फातिमा

काठमाडौँ, भदौ-२७,  अमेरिकी सहयोग परियोजना मिलिनियम च्यालेन्ज कर्पोरेसन एमसिसीकी उपाध्यक्ष आइतबार बेलुका नै स्वदेश फर्कने भएकी छन्। बुधबार बिहान नेपाल ओर्लिएकी फातिमा कतार एयरवेजको जहाजबाट आइतबार बेलुकी स्वदेश फर्कन लागेकी हुन्।

सुरक्षा स्रोतका अनुसार उनी ८:५० को निर्धारित कतार एयरवेजको जहाजबाट दोहातर्फ लाग्दैछिन्। नेपालमा प्रधानमन्त्री शेरबहादुर देउवासहित सबै राजनीतिक दलका प्रमुखहरुसँगको भेटमा उनले एमसिसीबारे उत्साहजनक प्रतिक्रिया पाइनन्।

यद्यपि देउवाले भने संसदबाट एमसिसी पारित गराउन पर्यत्न गरिरहेको बताएका थिए। फातिमाले फर्कनुअघि आइतबार अपराह्न होटल मेरियटमा एक पत्रकार सम्मेलन गरी एमसिसी परियोजना पारित गर्न ढिलाइ भइसकेको बताएकी थिइन्।