म्याग्दी समाज अमेरिकाको अधिबेशन सम्पन्न अध्यक्षमा तोरण शाही

मेरिल्याण्ड, जुलाई-२५,  म्याग्दी समाज  अमेरिकाको सातौँ  साधारण सभा तथा अधिबेशन सम्पन्न भयको छ । अधिबेशनले आगामी वर्षको लागी तोरण शाही (अर्जुन ) को अध्यक्षतामा १५ सदस्यिय कार्यसमिति चयन गरेको छ।

समितिको प्रथम उपाध्यक्ष  कृष्ण के सि, उपाध्यक्ष भिम के सि, महासचिव किशोर शर्मा, सचिव दिनेश जी सि, कोषाध्यक्ष सुदर्शन पौडेल, महिला विभाग प्रमुख दिपा पुन, सूचना तथा संचार बिभाग प्रमुख सन्तोस खड्का, संस्कृतिक विभाग मन्जु पुन र पदम लाल रामदाम, खेलकुद विभाग हिरा खत्रि र मनिश बानियाँ मेम्बरसिप डाइरेक्टर रज थापा,  युवा विभाग दिपेश कटुवाल, आइटि विभाग अनुषा मल्ल रहनु भयको छ ।

कार्यक्रममा भिम केसीद्वारा वार्षिक प्रगति प्रतिबेदन र अन्जु थापाले आय व्यय विवरण प्रस्तुत गर्नु भएको थियो। कार्यक्रममा अमेरिका स्थित अन्य तीनवटा  समाजका अग्रज तथा प्रतिष्ठित व्यक्तिहरुलाई  लाई सम्मान गरियको थियो ।

इन्द्र थापाको अध्यक्षता,  प्रेम राजा महतको प्रमुख आतिथ्यता, ह्यरि भण्डारी, कार्ल ज्याक्शन, सुबोध पन्त, प्रभु थापा, पारश मणि श्रेष्ठ, राम थापा, अम्मर छन्त्याल लगायत मेरिल्याण्ड राज्यमा शक्रिय विभिन्न संघ संथाका प्रमुख तथा म्याग्देलीहरुको उपस्थिति रहेको कार्यक्रमको संचालन भिम केसीले गर्नु भएको थियो ।