लमजुंग, २२ बैशाख, लमजुङमा ७ बर्षीय बालकको हत्या भएको पुष्टी भएको छ । चैत ३० देखि बेपत्ता भएका जिल्लाको दूधपोखरी गाउँपालिका–३ फुलिङगिरीका ७ बर्षीय युकेश गुरुङ वैशाख १ गते साँझ ५ बजेतिर घरदेखि अन्दाजी ३ सय मिटर टाढा रहेको खोल्सामा मृत अवस्थामा फेला पारेपछी अनुसान्धान शुरु भएको थियो ।
चैत ३० मा विद्यालय छुट्टी भएपछि उनी खेल्दै छिमेकीको घरमा पुगेका थिए । खेल्दाखेल्दै साथीकी आमा ४८ वर्षीय फूलमाया विकले प्रयोग गर्ने ऐना भुइँमा झरेर फुटेको थियो । त्यही कारण फूलमायाले कुटपिट गर्दा युकेश बेहोस भएका थिए ।
प्रहरीले, सानै उमेरमा भवितव्य हुन नसक्ने र उक्त ठाउँमा जाने कुनै कारण नभएकोले कर्तव्य नै हुनुपर्छ भन्ने कोणबाट अनुसन्धान थालेको थियो अन्तत सोधपुछका क्रममा फूलमायाकै छोराले आमाका कारण घटना भएको बताएका थिए । प्रमाण नहुँदा प्रहरीले पक्राउ गर्न सकेको थिएन । फूलमायाले ‘होइन’ भन्दै छोरालाई चुप लाग्न भनेकी थिइन् । अन्तत प्रमाण जुटाउदै बैशाख १२ गते घरबाटै फूलमाया विकलाइ पक्राउ गरेको जिल्ला प्रहरी कार्यालय लामजुंगका प्रमुख डीएसपी गंगाबहादुर थापालेडीएसपी थापाले बताउनुभयो ।
हत्या गरिएका बालक युकेश गुरुङ गाउँकै फुलिङगिरी प्रावि कक्षा २ मा पढ्थे । आमाले छाडेर हिँडेपछि ७ वर्षीय युकेश गुरुङ बुबा राजकुमार र हजुरआमासँगै बस्दै आएका थिए ।
त्यसैगरी हुम्लाको सिमकोटमा एक आठ बर्षिया बालिकाको संकास्पद मृत्यु भएको छ जिल्लाको सिमकोट गाउँपालिका–२ ठेहेगाउँ निवासी एक बालिकाको शङ्कास्पद मृत्यु भएको हो ।
मङ्गलबार दिउँसो आफ्नै घरको गोठमा साथीसँग खेलिरहेकी आठ वर्षीया सञ्जिबा बोहरालाई गोठमा राखिएको खच्चडलाई प्रयोग गर्ने रसिले बाँधिएको अवस्थामा मृतावस्थामा भेटाइएको बताइएको छ।
स्थानीय पञ्चमुखी आधारभूत विद्यालयमा कक्षा २ मा अध्ययन गर्ने बोहराको मृत्यु शङ्कास्पद रहेको छ । थप अनुसन्धानका लागि जिल्ला प्रहरी कार्यालयका प्रमुख प्रहरी नायब उपरीक्षक हेरम्ब शर्माको टोली घटनास्थलमा पुगेको छ। बालिकाको शवलाई सदरमुकाम सिमकोटमा रहेको जिल्ला अस्पतालमा ल्याएर शव परीक्षण गरिने भएको छ।
