नेपाली सेनामा ‘सेकेन्ड लेफ्टिनेन्ट’ पदमा जागिर खुलेको छ। यस वर्षका लागि सेनाले दुई सय जना अधिकृत क्याडेट ‘सेकेन्ड लेफ्टिनेन्ट’को भर्ना खोलेको हो।
सेनाको भर्ना छनोट निर्देशनालय, कार्यरथी विभाग जंगी अड्डाले बिहीबार सूचना प्रकाशित गरी अधिकृत क्याडेटमा भर्ना आह्वान गरेको हो। भर्ना सम्बन्धि जानाकारी गोरखापत्रमा प्रकाशन गरिएको र आजैदेखि फागुन २१ गतेसम्म दरखास्त दिन सकिने सेनाले जनाएको छ।
खुलातर्फ १ सय ५, समावेशीतर्फ १८ महिला, २९ आदिवासी जनजाति, २५ मधेसी, १४ दलित, ५ अमर सैनिक सन्तति र ४ पद पिछडिएको क्षेत्रमा भर्ना आह्वान गरिएको सैनिक जनसम्पर्क तथा निर्देशनालयले जनाएको छ।
