म्याग्दी प्रबासी नेपाली संघ (मोना) जापानले सांस्कृतिक फोटो प्रतियोगिता गर्ने भएको छ । संघको क्षेत्रीय कार्यसमिति क्युस्युले सो प्रतियोगिताको आयोजना गर्न लागेको हो ।
कला र संस्कृतिको जगेर्ना गर्ने उदेश्यका साथ् कार्यक्रम योजना गर्न लागिएको क्षेत्रीय कार्यसमितिका अध्यक्ष उज्वल बानियाले बताए । प्रतियोगिता फेब्रुअरी महिनाको १ तारिक देखि मार्च १५ तारिक सम्म संचालन हुने र प्रतियोगितामा सहभागी हुन चाहनेले जनवरी ३१ तारिकबाट सांस्कृतिक महत्वका फोटो समावेश गर्न सकिने जनाइएको छ । फोटो संग आफ्नो नाम ठेगाना, सम्पर्क नम्बर फेसबुक पेजमा पठाउनु पर्ने सुचनामा उल्लेख गरिएको छ ।
प्रतियोगितामा प्रथम र द्वितीय हुनेले क्रमश नगद २५,०००, १५,००० जापानी येन र सान्त्वना स्वरूप आकर्षक गिफ्ट ह्याम्पर प्रदान गरिने क्युस्सु जापानले जनाएको छ ।
नेपाली सांस्कृतिक महत्वका कुरालाई संसार्भारे चिनाउन यो प्रतियोगिताले सहयोग गर्ने अध्यक्ष बानियाले बताए । प्रतियोगिता क्युस्युको आधिकारिक फेसबुक पेज मार्फत संचालन हुनेछ ।
