दलगत स्वार्थको धारमा जनता कहिले सम्म रेटिने ?

धेरै समय पछी मुलुकमा नेकपाको बहुमतको सरकार बनेको  थियो । लामो अस्थिरता पछी यसरी  सरकार बनेपछि जनतामा एक प्रकारको उत्साह थियो र त्यो भन्दा बढी आधार अनि आशा थियो । अव मुलुकले स्थिर सरकार पायो सम्व्रिद्दिको शुरुवात पक्कै हुन्छ करिव साढे तिन बर्ष पछि  यसरी तुषारापात  हुन पुग्यो कि जनता अलमल परेका छन् ।

राजनीति बुझेका त आफ्नै तर्क अनि विश्लेशानामा लागेका छन् तर अधिकांश मतदाता जसले राजनीति राम्रो संग बुझ्न सकेका छैन तिनले कसरी बुझ्ने एउटा सामान्य नागरिकको हैसियतले प्रश्न गर्नु पर्दा र सोध्नु पर्दा के यसको जवाफ पाउन सकिएला ?

नेपालमा पंचायती ब्यबस्था त्यसपछि मुलुकमा स्थापना भएको बहुदलीय प्रजातान्त्रिक ब्यबस्था त्यसपछि देशमा चलेको ससस्त्र द्वन्द त्यसपछि लोकतन्त्र, पहिलो सम्बिधान सभाको निर्बाचनको असफलता अन्तमा मुलुकले पाएको नया संबिधान, संघियता र संसदीय निर्वाचन दुइ तिहाइ बहुमतको सरकार सम्ममा आइपुग्दा थुप्रै तितो  र बिगत  भोगेका पुस्ताले यसको जवाफ पाउन सकेका छैनन् र सायद अव पाउदैनन ।

मुलुकमा केहि काम नभएका होइनन तर आखिर किन स्थिर राजनीति देशमा हुन सक्दैन  ? व्यक्तिगत स्वार्थ  आपसी द्वन्द आदिको शिकार मुलुक किन बन्छ र सर्वसाधारण यसको धारमा कतिदि रेतिनु पर्ने हो ? यो प्रश्न अनुत्तरित छ साचै सम्ब्रिद्दी  कस्तो हुन्छ कहिले अनुभूति गर्न पाउने ? आम नागरिकले दलगत स्वार्थ व्यक्तिगत खिचातानीको प्रहार हामी  जनताले कहिले सम्म खापिरहने ? अहिले जनता यसको जवाफ खोजिरहेका छन् र मुलुकको बर्तमा अवस्था देखेर ट्वाल्ल परेको अवस्था छ ।