जलजला, असार-१४, राष्ट्रिय परीक्षा बोर्डले हालै सार्वजनिक गरेको माध्यमिक शिक्षा परीक्षा (SEE) २०८१ को नतिजा अनुसार जलजला गाउँपालिका अन्तर्गतका विद्यालय तथा विद्यार्थीहरूले उल्लेखनीय प्रगति हासिल गरेका छन्। यसपटक समग्र नतिजाले थप हौसला दिने खालको संकेत गरेको छ।
२०८० मा पालिकाभित्रको औसत पास दर ६१.९३ प्रतिशत मात्र रहेकोमा, यस वर्ष त्यो दर ८५.२० प्रतिशत मा उक्लिएको छ। यसले सशक्त व्यवस्थापन, विद्यार्थीको मिहिनेत, शिक्षकहरूको लगनशीलता, अभिभावकहरूको साथ, र सबै सरोकारवालाहरूको योगदानलाई स्पष्ट देखाएको छ।
यद्यपि पूर्ण सन्तुष्टि हुने अवस्था अझै कायम भइसकेको छैन, तर सुधारको गतिलाई देख्दा जलजला गाउँपालिकाले शैक्षिक गुणस्तर अभिवृद्धि गर्ने दिशामा गरेको प्रयास सफल हुँदै गएको पुष्टि भएको छ।
यस वर्षको नतिजामा उत्कृष्ट प्रदर्शन गर्ने विद्यार्थी र विद्यालय निम्न छन्:
यसैबीच जलजला गाउँपालिकाले यस सफलतामा सबैलाई धन्यवाद ज्ञापन गर्दै सर्बपक्षीय अथक मिहिनेत र प्रयासकै फलस्वरूप अघिल्लो वर्षको तुलनामा झण्डै २५% सुधार भएको हो। सामुदायिक विद्यालय सुधारलाई नै मूल विकास मानेर अघि बढेको यो अभियानमा साथ दिने सम्पूर्ण विद्यालय परिवार, शिक्षक, विद्यार्थी, अभिभावक तथा शिक्षा क्षेत्रका अभियन्ताहरूलाई हार्दिक धन्यवाद प्रकट गरेको छ ।
