जलजला, कार्तिक-२८, पर्वतको जलजला ५ साबिकको लेकफाट ६ का वडा अध्यक्ष धर्मदत्त सुबेदीको निधन भएको छ । कार्तिक २७ गते राती आफ्नै निवासमा ७९ वर्षको उमेरमा सुबेदीको निधन भएको हो ।
लोकतान्त्रिक आन्दोलन र नेकपा एमाले जलजला गाउँ कमिटीका उपाध्यक्ष सुबेदीको निधनले नेकपा एमाले जलजलालाई अपुरणिय क्षती भएको नेकपा एमाले गण्डकीका अध्यक्ष नवराज शर्माले बताउनु भयो । सुबेदिको पार्थिव शरिरमा एमाले गण्डकीका अध्यक्ष शर्मा सचिव गोबिन्द पहारी, जलजला -५ का वडा अध्यक्ष तिलक बहादुर जिसिले पार्टीको झन्डा ओढाएर श्रद्धाञ्जली अर्पण गर्नुभएको थियो। श्रद्धाञ्जली सभाको सन्चालन हिराबहादुर जिसिले गर्नु भएको थियो ।
भारतिय सेनाबाट सेवा निबृत सुबेदिले टाँडि बिसाउना सामुदायिक बन उपभोक्ता समितिको अध्यक्ष रही माझफाट र लेखफाटको बन सिमा बिबाद समाधान गर्नुभएको थियो । उहाँले लेकफाटको ५ र ६ मा रहेका शिवालय प्राथमिक विद्यालय र देबिस्थान प्राथमिक विद्यालयको ब्यबस्थापन समितिको अध्यक्ष, मन्दिर निर्माण, बिद्यालयय निर्माण र स्थापनमा समेत योगदान दिनु भएको थियो ।
सुबेदीका २ छोरी र एक छोरा रहेका छन ।
