बागलुङ, २९ चैत, बागलुङ नगरपालिका–३ गुठीमा भएको आगोलागी नियन्त्रणमा आएको छ । राती देखि लागेको आगो बिहान ८ बजे नियन्त्रणमा आएको हो । आगो नियन्त्रणकालागि ससस्त्र प्रहरी, नेपाल प्रहरी, नेपाली सेना र बागलुङ, पर्वत र म्याग्दीका तीनवटा दमकल प्रयोग भएका थिए
सो आगलागीमा परि दुईजना घाइते भएका छन् । घाइते हुनेमा सिर्जना फर्निचरका सञ्चालक बागलुङ नगरपालिका १३ बलेवाका ३३ बर्षिय केशब हरीजन र बागलुङ नगरपालिका–३ गुठीका ६४ बर्षिय डम्मर बहादुर कार्की रहेका छन् । उनीहरुको धौलागिरि अस्पतालमा उपचार भैरहेको छ । दुवैजनाको बाहिरी चोट केही नरहेको भएपनि धुवाका कारण सास फेर्ने गाह्रो भएको बताइएको छ ।
आगोलागीका कारण फर्निचरको १८ लाख फर्निचर नजिकै रहेको डम्बर बहादुर कार्किको घरमा फर्निचर तर्फको घरको झ्याल ढोका लगाएत अन्यमा झण्डै २ लाख बराबरको क्षति पुगेको बाग्लुंग प्रहरीले बताएको छ । त्यसै गरी सोही घरको दोस्रो तलामा डेरा गरी बस्ने लाल बहादुर थापाको सम्पुर्ण सामान जल्दा एक लाख पचास हजार बराबरको क्षति भएको प्रहरी नायव उपरीक्षक इकवाल हवारीले बताए ।
