मैले शिक्षण पेशा अंगालेको डेढ दशक जति भयो होला तर नियमित नभएर बिचमा केहि अन्तर रहन गयो । मैले निजि र सरकारी दुवै विद्यालयमा शिक्षक भएर काम गरेको छु । अहिले सम्म म शिक्षक हुँ कि हैन भभन्नेमा नै प्रष्ट छैन । मैले अझै सम्म खासै पढाउन सकेको जस्तो लाग्दैन । मेरो काम भनेको कक्षा कोठामा जाने विद्यार्थी संग रमाइलो गर्ने उनीहरुका हरेक प्रश्न र जिज्ञाशाको जवाफ दिने कोशिश गर्ने र जति सक्छन प्रश्न गर्न सक्न्ने र बोल्न लगाउने ।
म कोर्ष पुरा हुनु र नहुनुमा खासै चासो राख्दिन तर जे कुराको बारेमा छलफल गरियो त्यो बिषयमा उनिहरु प्रष्ट हुनुपर्छ भन्ने हो । मैले जहिले पनि जहाँ पनि भन्ने गर्छु म त तिमीहरुको साथि हुँ । यो मैले ठिक भने कि बेठिक मलाई नै थाहा छैन । यी र यस्तै हुन् मेरा कक्षाका दैनिकीहरु यसको अर्थ मैले परिक्षा र स्तर निर्धारण गर्ने हाम्रो शिक्षा प्रणालीको बिपरित काम गरिरहेको छु भन्ने हैन ।
मैले हरेक दिन कक्षामा नयाँ कुरा हुनुपर्छ, फरक तरिकाले अभ्यास गर्नु पर्छ भनेर कोशिश गर्ने गर्दछु । दिनहु उही र उस्तै कुरा उही कक्षा कोठामा विद्यार्थीलाई थुनेर के सिकाई हुन्छ र हरेक दिन केहि फरक र नयाँ हुनुपर्छ भन्ने मेरो प्रयाश रहन्छ । मेरो प्रयास अनुसार मैले कक्षा ९ का विद्यार्थीलाई एक हप्ते गृह कार्य अभियान शुभारम्भ गरें जसमा :
विद्यार्थीले यी कुरा गरे नगरेको अभिभावाकहरुसंग सोध पुछ गर्ने गरेको छु । धेरै जसोले यो गृहकार्य पालना गरेको /गर्ने गरेको पाएको छु ।मलाइ खुसि लाग्यो । आउदो आइतबार यो एक हप्ते गृहकार्यको मुल्यांकन हुनेछ र यसको प्रभावको बारेमा छलफल गरिने छ । मैले उनिहरुलाइ भनेको छु कि यदि यो अभ्यासले तिमिहरुलाइ केही नयाँ पन दियो वा भिन्नता आयो भने नियमित गरौंला । त्यसपछि म पुन अर्को अनुभव लेख्ने प्रयास गर्नेछु ।
हरेक दिन केहि फरक र नौलो कुरा गर्नुपर्छ अनि मात्रै कक्षामा विद्यार्थीहरु उत्साहित हुन्छन । शिक्षक विद्यार्थी बिचको दुरी कम गर्दै डर त्रास र भएको खाडल पुर्दै छलफल, अन्तरक्रिया गर्दा कक्षा बालमैत्री हुन्छ भन्ने मेरो प्रयास हो । बालमैत्री अर्थात डर रहित कक्षा कोठामा शिक्षक विद्यार्थीको सम्बन्ध सुमधुर रहन्छ र विद्यार्थीहरूले लाज, सङ्कोच र भयमुक्त वातावरणमा स्कूलमा रम्ने र सिक्ने अवसर पाउँछन् । राम्रो कक्षा व्यवस्थापन भए विद्यार्थीले रोएर होइन, हाँसेर सिक्छन् । यस प्रकारको कक्षा व्यवस्थापनमा विद्यार्थीहरू नै बढी सक्रिय रहन्छन् र उनीहरूको सहभागिता उच्च रहन्छ । कक्षा रमाइलो भए विद्यार्थीहरू लामो समयसम्म कक्षामा बस्न रुचाउँछन् भन्ने मेरो प्रयास रहने गर्दछ ।
