असफल योजनाको पहिचान गरी पूर्णता दिन्छौं : मुख्य मंत्री पाण्डे

बेनी, असोज-४, गण्डकी प्रदेशका मुख्यमन्त्री सुरेन्द्रराज पाण्डेले अलपत्र भएका योजनाहरुको पहिचान गर्न लागिएको बताउनुभएको छ । नेपाल जेसिस को क्षेत्र ख सम्मेलनको समुद्घाटन गर्न म्याग्दी आएको अवसर पारी  नेपाल प्रेस युनियन म्याग्दीले आज बेनीमा आयोजना गरेको पत्रकार भेटघाट कार्यक्रममा बोल्दै मुख्यमन्त्री पाण्डेले बजेट अभाब र निर्माण कम्पनीको ढिलासुस्तीले अलपत्र पारिएका साना ठुला सबै योजनाहरुको पहिचान गर्न लागेको बताउनुभएको हो उहाँले  संघ सरकार मार्फत सञ्चालित योजना र बजेट हस्तान्तरण नहुँदा अस्पताल भवन, सडक पूर्वाधार लगायतका ठूला योजनाहरु अलपत्र परेको बताउनुभयो ।

निर्माण व्यवसायिको चरम लापरबाही का कारण  अलपत्र बनेको बेनी अस्पतालको भवन, सडक लगायतका धेरै योजनाहरु  असफल भएका योजनाहरुको पहिचान गरि पूर्णता दिन प्रदेश सरकार लागिपरेको बताउनुभयो । बेनी अस्पतालको भवन निर्माण गर्ने ठेक्का लिएको निर्माण कम्पनीलाई निरन्तर ताकेता गरेर काममा फर्काउने र कामलाई तिब्रता नदिए ठेक्का तोड्नुपर्ने दुई वटा मात्रै विकल्प रहेको उहाँको भनाई रहेको छ ।

निर्माण व्यवसायि र सरकारबिचको असमझदारीका कारण अलपत्र र असफल भएका योजनाहरु धेरै रहेको र  मुख्यगरि निर्माण कम्पनीहरुको ढिलासुस्ती नै योजनाहरु अलपत्र पर्ने गरेको उहाँले बताउनुभयो । उहाँले प्रदेश  सरकारले असफल योजनाहरुको पहिचान गर्न प्रदेश नीति तथा योजना आयोग मार्फत आबश्यक प्रकृया अघि बढाएकको बताउदै  प्रदेश सभा सदस्य र मन्त्रीहरुले  समेत निरन्तर अनुगमन भैरहेको बताउनुभयो ।

मुख्यमन्त्री पाण्डेले  सार्वजनिक खरिद ऐनमा रहेको समस्याले पनि विकास निर्माण योजनाहरुमा ढिलासुस्ती भएको समस्या हल हुन नसकेको बताउदै गण्डकी प्रदेश सरकारले योजना बैँकको अवधारण अनुसार योजना छनौट र कार्यान्वयन सुरु गरेको समेत जानकारी दिनुभयो । यसै बर्षदेखि प्रदेश सरकारले सडक पूर्वाधारमा न्यूनतम  ३० लाख र खानेपानी र सिंचाई लगायतका योजनामा न्यूनतम १० लाख बजेट विनियोजन गर्न थालेको जानकारी जानाकारी  दिनुभयो  ।

आफुले बुधबार नै  म्याग्दीको फापरखेताको स्थलगत अबलोकन गरेपश्चात  पश्चिम क्षेत्रको ‘लाइफलाइन’ मानिएको बेनी–दरबाङ सडकमा  पहिरोले निम्त्याएको सवारी आवागमनको समस्यालाई हल गर्न पहिरोलाई रोकथाम र बेलिब्रिज निर्माण गर्ने बिकल्पमा अघि बढीने उहाँले जानकारी दिनुभयो ।

पत्रकारहरुद्वारा सोधिएको संचार बिधेयक सम्बन्धि प्रश्नमा  गण्डकी प्रदेश सभामा पेश भएको सञ्चार विद्येयकमा सरोकारवालासंग आबश्यक छलफल गरेर संसोधन सहित विद्येयकको मस्यौदा तयार गरिएकोले पत्रकारहरुको हितमा रहेको समेत बताउनुभयो ।