पर्वत, कार्तिक-८, नेपाली काँग्रेसकी प्रभावशाली नेतृ एमालेमा प्रवेश गर्नुभएको छ । पर्वतको बिहादी गाउँपालिका वडा न ४ वहाकी लौके निवासी आशा कुमारी गुरुङ नेपाली काँग्रेस परित्याग गरि एमाले प्रवेश गर्नुभएको हो ।सामाजिक तथा राजनीतिक क्षेत्रमा लामो समयदेखि अगुवाई गर्दै आउनुभएकी नेतृ गुरुङ नेकपा एमालेको चुनावी अभियानका क्रममा आयोजित विशेष समारोहमा पार्टी प्रवेश गर्नुभएको हो ।
लामो समय काँग्रेमा लागेपनि आफ्नो योगदान र सक्रियताको मुल्यांकन नभएको र नेकपा एमालेवाट मात्रै यो मुलुकको समृद्धि र विकास सम्भव भएको भन्दै उहाँ एमाले प्रवेश गर्नुभएको हो । नेकपा एमालेलाई जिताउनका लागि हरदम प्रयासरत रहने समेत उहाँको उद्घोष छ । नेपाली काँग्रेसले गलत तत्वहरुसँग सम्झौता गरेर आफ्नो अस्तित्व नै समाप्त पार्न बाटोमा लागेको उहाँको आरोप छ ।
पार्टी प्रवेश गर्नु भएकी उहाँलाई नेकपा एमालेका केन्द्रीय सदस्य कल्पना चापागाई, केन्द्रीय सदस्य तथा प्रतिनिधि सभा सदस्यका उम्मेदवार पदम गिरी, प्रदेश ख का उम्मेदवार मित्रलाल बस्यालले फुलमाला र खादा लगाएर स्वागत गर्नुभएको थियो । साथै उम्मेदवार गिरीले नवप्रवेशी गुरुङलाई नेकपा एमालेले तत्काल प्रभावकारी जिम्मेवारी दिने समेत बताउनुभयो । न्युज डबलीबाट
