क्युस्यु, जापान जुन-२३, मोना, क्युस्यु जापानले एक म्याग्देलीलाइ आर्थिक सहयोग गरेको छ । नेपालको म्याग्दी बेनी नगरपालिका ४ घर भई फुकुओका स्कुल अफ हस्पिटालिटी कलेजमा अध्ययनरत आशा विकलाई आर्थिक सहयोग गरेको हो । आशा लामो समय देखि पेट सम्बन्धी रोगबाट ग्रसित भई लामो समय सम्म अस्पतालमा उपचाररत हुनुहुन्छ । २०१८ मा विद्यार्थी भिसामा जापान पुगेकी आशा बिक फुकुओका केन ओगोरी सीमा बसोबास गर्दै आउनुभएको छ ।
मोना, क्युस्युको संयोजनमा सहयोग अभियान संचालन गरी ५०,००० येन, NRNA जापान क्युस्युबाट २०,००० येन, फुकुओका नेपाल सोसाईटी ३०,००० येन र नेपाल जापान फेन्डसीप लाईन्स कल्बबाट ३०,००० येन गरी जम्मा १,३०,००० येन सहयोग गरीएको जापानबाट उज्जवल बानियाले जानाकारी गराउनुभएको छ । उहाँले सहयोगी सबैमा मोना, क्युस्युको तर्फबाट हार्दिक धन्यबाद व्यक्त गर्नु भएको छ । परदेशमा रहेर पनि आफ्नो जिल्लाको विकास र विपदमा देशमा तथा परेदशमा रहेका म्याग्देलीहरुलाई समेत सहयोग गर्ने गरेको छ ।
