“ट्रम्पको नयाँ आप्रवासन नीति : १२ देशमाथि अमेरिका प्रवेशमा प्रतिबन्ध, विश्वकप २०२६ प्रभावित हुने संकेत”

अमेरिकी राष्ट्रपति  डोनाल्ड ट्रम्पले १२ देशका नागरिकहरूलाई संयुक्त राज्य अमेरिकामा प्रवेश गर्न प्रतिबन्ध लगाउने नयाँ र व्यापक निर्देशनमा हस्ताक्षर गरेका छन्। अमेरिकी राष्ट्रपतिले यो नयाँ घोषणापत्र बुधबार हस्ताक्षर गरेका हुन्, जसले आप्रवासनमा कडा कदम चालेको संकेत गर्छ। ट्रम्पले वर्षको सुरुवातमै ह्वाइट हाउस फर्किएपछि आप्रवासनको कडाइ सुरु गरेका थिए।

ट्रम्पले अब अफगानिस्तान, म्यानमार, चाड, कङ्गो, इक्वेटोरियल गिनी, इरिट्रिया, हेइटी, इरान, लिबिया, सोमालिया, सुडान र यमनका नागरिकहरूलाई अमेरिका यात्रा गर्न प्रतिबन्ध लगाएका छन्।

त्यसैगरी ट्रंप प्रशाशनले  बुरुन्डी, क्यूबा, लाओस, सिएरा लियोन, टोगो, तुर्कमेनिस्तान र भेनेजुएलालाई आंशिक प्रतिबन्धको सूचीमा राखिएको छ।

ट्रम्पले भनेका छन्”हामी त्यस्ता कुनै पनि देशबाट खुला आप्रवासन गर्न सक्दैनौं जहाँ हामी सुरक्षित र भरपर्दो रूपमा जाँच र परीक्षण गर्न सक्दैनौं। त्यसैले म आज एक नयाँ कार्यकारी आदेशमा हस्ताक्षर गर्दैछु जसले यात्रा प्रतिबन्ध लगाउँछ।”

यो प्रतिबन्धले २०२६ को विश्वकपलाई कसरी असर गर्छ?केहि रुपमा असर गर्ने जनाइएको छ 
संयुक्त राज्य अमेरिका सन् २०२६ को फिफा विश्वकप मेक्सिको र क्यानडासँग मिलेर आयोजना गर्ने तयारीमा छ। तर, ट्रम्पको कार्यकारी आदेशमा एउटा प्रावधान छ जसअनुसार कुनै पनि खेलाडी, प्रशिक्षक, आवश्यक सहयोगी भूमिकामा रहेका व्यक्ति तथा उनीहरूको नजिकका आफन्तहरूलाई विश्वकप, ओलम्पिक वा राज्य सचिवद्वारा तोकिएका अन्य ठूला खेलकुद प्रतियोगिताका लागि यात्रा गर्न अनुमति दिइनेछ।

तर, प्रतिबन्धित देशका समर्थक र परिवारका सदस्यहरूलाई अमेरिका प्रवेश गर्न दिइने वा नदिइने भन्ने सवाल भने उठिरहेको छ। ट्रम्पको सूचीमा रहेका देशहरूमध्ये इरान विश्वकपका लागि पहिल्यै छनोट भइसकेको छ।