बेनीमा मोटरसाइकलले ठक्कर दिंदा बालकको मृत्यु

जिल्ला प्रहरी कार्यालयका सूचना अधिकारी सागर पौडेलका अनुसार शनिवार मध्यान्ह करिब १२ बजे बेनी–बागलुङ सडकखण्डमा ध २ प ६९६ नम्बरको मोटरसाइकलले ठक्कर दिँदा बेनी नगरपालिका–३ खानीडाँडा घर भई हाँडेभीर बस्दै आएका केविन परियार गम्भीर घाइते भएका थिए ।

घाइते परियारलाई प्रारम्भिक उपचारपछि बेनी अस्पतालबाट पोखरा स्थित मणिपाल शिक्षण अस्पताल पुर्याइएको थियो । तर शनिवार साँझ करिब ५ बजेर १० मिनेटमा उपचारका क्रममा चिकित्सकले मृत्यु घोषणा गरेको प्रहरीले जनाएको छ ।

दुर्घटनापछि मोटरसाइकल चालक बेनी नगरपालिका–२ खवराका विसन सापकोटा र मोटरसाइकललाई प्रहरीले नियन्त्रणमा लिएको छ ।