म्याग्दी , चैत, २१ म्याग्दी कोरला यातायात प्रा.लीको तेस्रो बार्षिकत्सवको अवसरमा आयोजित प्रथम कोरला कप भलिबल प्रतियोगिता सम्पन्न भएको छ । प्रतियोगितामा पुरुष तर्फको उपाधि बेनी नगरपालिका ९ घतान र महिलातर्फको उपाधी अन्नपुर्ण गाउँपालिका नारच्याङले जितेको छ । शनिबार सदरमुकाम बेनीस्थित खुल्लामञ्चमा हजारौ दर्शकविच भएको फाईनलमा बेनी नगरपालिका ९ घतानले वडानम्वर ५ पँुलाचौरलाई पराजित गर्दै प्रथम उपाधि जितेको हो ।
महिलातर्फ अन्नपुर्ण गाउँपालिकाको वडानम्वर ४ नारच्याङले वडानम्वर ३ दानलाई सोझो सेटमा पराजित गर्दै महिला तर्फको उपाधी जितेको हो । प्रतियोगितामा पुरुष बिजेता र उपविजेताले क्रमश ५५ हजार ५५५ रुपैया र ३३ हजार ३३३ रुपैया प्राप्त गरेका छन्भ ने महिलातर्फ विजेता र उपविजेताले ३३ हजार ३३३ र २२ हजार २२२ रुपैया नगदसहित मेडल र ट्रफी प्राप्त गरेका छन ।
प्रतियोगितामा बेस्ट प्लेयर, सेटर, ब्लकर स्पाइकर, सर्भर तथा अनुशासित र प्रालीका उतकृष्ट कर्मचारीलाई समेत सम्मान गरिएको थियो । विजेता टिमलाई जिल्ला समन्वय समितिका प्रमुख देवेन्द्रबहादुर केसी, प्रालीका अध्यक्ष सुरत केसी लगायतको उपस्थितमा पुरस्कार वितरण गरिएको थियो ।
