म्याग्दीकी लोक दोहोरी गायिकालाइ पोखरामा सम्मान गरिएको छ । जिल्लाको पुरानो लोक एवं दोहोरि गायिका धन कुमारी थापालाई पोखरामा शनिबार एक कार्यक्रममा सम्मान गरिएको हो । राष्ट्रिय लोक तथा दोहोरीगीत प्रतिस्ठान नेपाल गण्डकी प्रदेशले नरबहादुर परियार स्मृति कलाकारिता पुरस्कारबाट अग्रज लोकदोहोरी गायिका म्याग्दीकि धनकुमारी थापालाई पुरस्कृत गरेको हो । यसै गरी तिर्थसागर सुबेदी स्मृति पत्रकारिता पुरस्कारबाट नेपाल पत्रकार महासंघ कास्कीका अध्यक्ष पत्रकार दीपेन्द्र श्रेष्ठ सम्मानित भएका छन् । दुवै पुरस्कारको राशी ७ हजार ७ सय ७७ रुपैयाँ रहेको थियो ।
कार्यक्रममा प्रतिष्ठान गण्डकीले उत्कृष्ट कार्य गर्ने प्रतिष्ठानका जिल्ला शाखालाई पनि पुरस्कृत गरेको छ । उत्कृष्ट जिल्लाहरुमा प्रथम गोरखा जिल्ला, दित्तीय कास्की, तृतीय स्याङ्जा र प्रोत्साहनबाट पर्वत तथा लमजुङलाई सम्मान गरिएको थियो । उच्च शिक्षा हासिल गर्ने सदस्य पदाधिकारीबाट वरिष्ठ उपाध्यक्ष पूर्ण परियार, सचिव राजन कार्की, प्रचार विभाग प्रमुख युवराज भण्डारी, दोहोरी गायिका मधु चापागाईँलाई सम्मान गरियो । यसै गरी कार्यसमिति मध्ये उत्कृष्ट वर्ष पुरुष दीपक पौडेल र उत्कृष्ट महिला अनिता पन्त घोषित भए । करोड क्लबमा पुग्ने गीतबाट गायिका सरस्वती लामिछाने र सर्जक नकुल ढकाललाई सम्मान गरियो ।
गण्डकी प्रदेशका प्रदेश प्रमुख अमिक शेरचनको प्रमुख आतिथ्यतामा भएको कार्यक्रममा राष्ट्रिय लोक तथा दोहोरी गीत प्रतिष्ठान नेपालका पूर्व अध्यक्ष पुरुषोत्तम न्यौपाने, लोक गायिका प्राज्ञ हरिदेवी कोइराला लगायतले कार्यक्रममा मंतव्य राखेका थिए ।
प्रतिष्ठानका अध्यक्ष सुरेन्द्र गुरुङको अध्यक्षतामा भएको कार्यक्रममा वरिष्ठ उपाध्यक्ष पूर्ण परियारले स्वागत र सचिव राजन कार्कीले कार्यक्रम सञ्चालन गरेका थिए ।
