देवी जिसी /बेनी, जेठ-१२, म्याग्दीको बेनीमा अनौपचारिक शिक्षा आजीवन सिकाइ कार्यक्रम कार्यान्वयन सम्बन्धि एक दिने कार्यशाला सम्पन्न भएको छ। शनिबार सम्पन्न कार्यशालाको बेनीनगर पालिकाका प्रमुख सुरत केसीले ब्यानर पढेर उद्घाटन गर्नुभएको थियो । शिक्षाका लागी राष्ट्रिय अभियान (NCE) म्याग्दीले स्थानीय स्तरमा गठन भएका सामुदायिक सिकाइ केन्द्र (CLC) को क्षमता अभिबृद्दी र प्रभावकारिताका लागी लक्षित गरेर कार्यक्रमको आयोजना गरेको हो ।
कार्यक्रममा शिक्षा तथा मानव बिकास श्रोत केन्द्रका निर्देशक निलकण्ठ ढकालले अनौपचारिक शिक्षाको लागी सामुदायिक सिकाइ केन्द्रको भूमिका, स्थानीय तहले अनौपचारिक शिक्षाका लागी स्थानीय तहको भूमिका, लगायतका बिषयमा सहजीकरण गर्नुभएको थियो । अनौपचारिक शिक्षाको परिवार्वित अबधारणा, अनौपचारिक शिक्षाका तहहरु, शिक्षा ऐन र नियमावलीमा अनौपचारिक शिक्षा सम्बन्धि भएका ब्यबस्था र स्तरीकरण लगायतका बारेमा रहेका कानुनि ब्यबस्था र स्थानीय तहले गर्नुपर्ने कार्यका बारेमा समेत बिस्तृत रुपमा छलफल गर्नुभएको थियो ।
बेनी नगरपालिकाका प्रमुख सुरत केसीले शिक्षा नियमावलीको दफा १९ मा ब्यबस्था भए अनुसार २०८५ साल सम्ममा न्युनतम कक्षा ८ को तह पार गर्नुपर्ने रहेको र यसको बारेमा पहिला जनप्रतिनिधिलाई जानाकर गराउनु पर्नेथियो ।अव बाँकी रहेको समय कहिँ कसैले विभिन्न कारणले विद्यालय शिक्षा पुरा नगरेका व्यक्तिलाई अनौपचारिक रुपमा सो तह पुरा गर्ने ब्यबस्था राज्यले गरेको र त्यसका लागी स्थानीय तहलाई नै अधिकार दिएकोले अव २०८५ सालसम्म त्यसको लक्ष्य पुरागर्न आगामी वर्ष बजेटको ब्यबस्था गरि सम्बोधन गरिने बताउनुभयो ।
NCE का अध्यक्ष राजेन्द्र पहाडीले एनसिई नेपाल मुलुकको सार्वजनिक शिक्षा सुदृढीकरण तथा सवलीकरणका लागि क्रियाशील एक शैक्षिक अभियान रहेको जानाकारी गराउंदै एनसिई नेपालका राष्टिय अध्यक्ष पहाडीले सार्वजनिक शिक्षाका क्षेत्रमा देखिएका सबै समस्या समाधान गर्नका लागि शिक्षाका लागि तीनै तहका सरकारले कूल बजेटको कम्तीमा २० प्रतिशत बजेट विनियोजन गर्नुपर्ने र संसदमा रहेको विद्यालय शिक्षा विधेयक छिटोभन्दा छिटो पारित गरी अघि बढ्नुपर्ने कुरामा जोड दिनुभयो।
जिल्ला समन्वय समिति म्याग्दीका उप प्रमुख दिल कुमारी खत्रीले विद्यालय शिक्षामा व्यापक सुधार लाय गुणस्तर बृद्दी गर्नुपर्नेमा जोड दिनुभयो । त्यसैगरी कार्यक्रममा मन्तब्य ब्यक्त गर्दै बेनी नगरपालिकाका उप प्रमुख ज्योति लामिछानेले सामुदायिक सिकाइ केन्द्रले वडामा महिला लक्षित थुप्रै कार्य गर्दै आएको र अनौपचारिक शिक्षामा समेत यसले आगामी दिनमा अझै प्रभावकारी कार्यगर्ने कुरामा बिस्वाश ब्यक्त गर्नुभयो ।
शिक्षाका लागी राष्ट्रिय अभियान (NCE ) म्याग्दीका संयोजक दिलमाया बिटालुको अध्यक्षताम सम्पन्न कार्यक्रमको संचालन सचिव गौरी थापाले गर्नुभएको थियो ।
