पर्वत, कार्तिक-१९, साहसिक खेलहरु मार्फत पर्यटक भित्राउदै गरेको पर्वतको कुश्मामा रहेको हार्नेस जीप लाईन तथा एड्भेन्चर रिर्सोटले अव कालीगण्डकी नदीमा जलयात्रा (र्याफटिङ ) पनि सञ्चालनमा ल्याउने भएको छ ।
कम्पनीका सञ्चालक सुनिल बाँनियाका अनुसार जलयात्राका लागि प्रख्यात कालीगण्डकी नदीमा अव नेपाली र विदेशीले जलयात्राको मनोरञ्जन लिन पाउने भएका छन् । कम्पनीले हिजो मात्रै केहि विदेशीहरुलाई जलयात्रा गराउँदै यसको शुरुवात गरेको हो । छोटो दुरीमा जलयात्रा गर्न चाहनेले २ घण्टा र लामो यात्राको लागि २ देखि ३ दिनसम्मको यात्रा कम्पनीले गराउनेछ ।
छोटो र पारिवारीक जलयात्राका लागि कालीगण्डकी नदीमा जलयात्रा गर्न आउने पर्यटक प्रत्येक वर्ष बढ्दै गएका छन् । आधा दर्जन जति कम्पनीहरु मार्फत नदीमा र्याफटिङ हुदै आएको छ । यस अघि पोखराबाट कम्पनीलेहरुले जलयात्राका लागि पर्यटकहरु भित्राउने गरे पनि अव भने कम्पनीले कुश्माबाट नै यसको सुविधा दिन लागेको हो ।
लामो, समथर र कम बहाब भएकाले बिदेशी नागरिकहरू अन्य नदीहरू भन्दा कालीगण्डकीलाई नै रोज्ने गर्दछन् । र्याफटिङका लागि कालीगण्डकी नदीमा अहिले विदेशी पर्यटकसँगै स्वेदशी पर्यटकको आकर्षण बढ्दै गएको छ । अन्य नदीको तुलनामा पर्यटकले यसलाई पहिलो रोजाइमा पार्दै आएकाले पनि पर्यटकहरूको आगमन बढ्ने गरेको छ । कोरोना संक्रमणका लागि सुस्ताएको जलयात्राले पुनः गति लिने देखिन्छ ।
पर्वतको कुश्मा नगरपालिका–१ पाङस्थित नयाँपुल तथा मालढुंगादेखिबाट सुरु हुने र्याफटिङ स्याङजा, पर्वत र गुल्मी जिल्लाको सिमानामा रहेको कालीगण्डकी ‘ए’ जलविद्युत् परियाजनाको जलाशयमा पुगेर टुंगिन्छ । तीन दिन लाग्ने सो जलयात्रा पर्यटकका लागि निकै आकर्षक गन्तव्यको रूपमा रहेको छ । कालीगण्डकी नदीमा पानीको छाल, मनोरम दृश्य, झरना, विभिन्न बनस्पति, जलचरहरूको अवलोकन, प्रदूषणरहित हावापानीबाट पर्यटक आकर्षित हुने गर्दछन् । पर्यटक विभिन्न देशका पर्यटकहरु आउने गरेका छन भने अस्टे«लिया, युरोपियन मुलुक र अमेरिकी पर्यटकको रोजाइमा पनि कालीगण्डकी नदी पर्दै आएको छ ।
विदेशमा समेत जलयात्रा गर्दै आएका पर्यटकहरू नेपालको जलयात्रा अन्यत्रको भन्दा अत्यन्त रोमाञ्चक हुने गरेको अनुभव सुनाउँछन् । कालीगण्डकीको जलयात्रा बिश्वका अन्य नदीमा भन्दा रोमाञ्चक हुने गरेको उनीहरूको भनाइ छ । अमेरिका र अष्ट्रेलियालगायतका नदीहरूमा हुने जलयात्राभन्दा कालीगण्डकीमा नयाँ खालको अनुभव भएकाले पर्यटकहरूको आकर्षण बन्न पुगेको हो । न्युजडबलीबाट
