पर्वत, साउन-१५, दिन कल्याण प्राविका प्रधानाध्यापकलाइ सम्मान पुर्वक बिदाइ गरिएको छ । जलजला गाउँपालिका-२, ओखरबोटमा लामो समय सम्म सेवा गरि सेवानिवृत्त हुनुभएका हरिबहादुर जिसीलाई एक कार्यक्रमका बीच बिदाइ गरिएको हो । साउन १५ गते शुक्रबार ओखरबोट स्थित विद्यालयमा एक कार्यक्रमको आयोजना गरि समान पुर्वक बिदाइ गरिएको हो ।
बिक्रम सम्बत २०५२ सालदेखि विद्यालयमा २ वर्ष सहायक प्रधानाध्यापक र त्यसपछि प्रधानाध्यापकको रुपमा कार्यरत जिसीले लामो समय सम्म सेवा गर्दै शिक्षाक्षेत्रमा उहाँले पुर्याउनुभएको योगदानको उच्च सम्मान गरिएको छ । कार्यक्रममा विद्यालय व्यवस्थापन समितिका पुर्व अध्यक्ष शेरबहादुर खत्री, रेशम बहादुर खत्री, समाज सेवी एवं युवा नेता खिम बहादुर खत्री, नेपाली कांग्रेसका क्षेत्रीय सचिव कमल अधिकारी लगायतले उहाँले पुर्याउनु भएको योगदानको सम्मान गर्नु भयो । कार्यक्रमका प्रमुख अतिथि जलजला गाउँपालिकाका शिक्षा संयोजक एवं वडा नं २ का अध्यक्ष गोबिन्द खत्रीले मायाको चिनो प्रदान गर्नु भयो ।
कार्यक्रम जलजला गाउँपालिकाका शिक्षा संयोजक एवं वडा नं २ का अध्यक्ष गोबिन्द खत्रीको प्रमुख आतित्यथा, विद्यालय ब्यबस्थापन समितिका अध्यक्ष खिम बहादुर जिसीको अध्यक्षता र शिक्षक गुमानसिंह जिसीको संचालनमा सम्पन्न भएको थियो । बिद्यालय ब्यबस्थापन समितिको आज बसेको बैठकले खडकबहादुर जिसीलाई निमित्त प्रधानाध्यापकको जिम्मेवारी समेत दिएको छ ।
