पर्वत, जेठ-७, क्रिकेटर सन्दीप लामिछानेले आर्थिक सहयोग संकलन अभियान सुरु गरेका छन् । कोरोना भाइरसको संक्रमण रोकथाम तथा नियन्त्रणमा सहयोग पुर्याउन आर्थिक सहयोग संकलन सुरु गरेका हुन् । उनले सामाजिक सञ्जाल फेसबुकमार्फत सहयोगबाट प्राप्त भएको रकम कोरोना नियन्त्रण तथा रोकथामका साथै संक्रमितहरूको उपचारका निम्ति उपलब्ध गराउने बताएका छन् ।
‘सहयोगबाट प्राप्त रकम स्थानीय निकाय/प्रशासन कार्यालयको रोहवरमा अति प्रभावित क्षेत्र/स्थानीय निकायमा आवश्यकता तथा प्राथमिकताका आधारमा वितरण गरिने जानकारी गराउन चाहन्छौँ,’ लामिछानेले भनेका छन् । अभियानको प्रारम्भ गर्दै ‘टिम सन्दीप लामिछाने’का तर्फबाट तीन लाख जम्मा गरिएको उनले जनाएका छन् ।
विश्वव्यापी महामारीको रूप लिएको कोभिड-१९को सङ्क्रमण र यसबाट मृत्यु हुनेको सङ्ख्या नेपालमा तीव्र गतिमा बढेसँगै सीमित अस्पताल एवम् भएका अस्पतालमा पनि बेड, आइसियु ,भेन्टिलेटर, अक्सिजन सिलिन्डरको अभावका कारण दिनहुँ सयौँ निर्दोष नेपालीले ज्यान गुमाउनु परेको अवस्थामा थोरै भएपनि सहयोग गर्न यो अभियान थालिएको उनले बताए ।
उनले भनेका छन् ” तपाईं हामी सबैले दृढ आत्मबलका साथ फेरि एकचोटि नेपाल र नेपाली जनताका निम्ति, हामी सबैका निम्ति , एकजुट भई आ-आफ्नो तर्फबाट सहयोग गरिदिनुहुन देश विदेशमा रहनुभएका मेरा सम्पूर्ण शुभ चिन्तकहरूमा हार्दिक अनुरोध गर्दछु
सहयोगबाट प्राप्त रकम स्थानीय निकाय/ प्रशासन कार्यालयको रोहवरमा अति प्रभावित क्षेत्र / स्थानीय निकायमा आवश्यकता तथा प्राथमिकताको आधारमा वितरण गरिने उनले बताए ।
