बेनी, मङ्सिर-१७, लैङ्गिक हिंसा विरुद्धको १६ दिने अभियानको अवसरमा ‘प्रविधिको सही प्रयोग गरौँ, लैङ्गिक हिंसा अन्त्य गरौँ’ भन्ने मुल नारासहित विधुतिय हिंसा तथा कानुनी प्रावधान सम्बन्धी एकदिने सचेतना तथा अन्तरक्रिया कार्यक्रम म्याग्दी सदरमुकाममा सम्पन्न भएको छ।
उक्त कार्यक्रम म्याग्दी उद्योग व्यापर संघ अन्तर्गतको महिला उद्यम विकास समितिको आयोजना, म्याग्दी उद्योग वाणिज्य संघको सहयोग तथा म्याग्दी बहुमुखी क्याम्पसको समन्वयमा सम्पन्न गरिएको हो।
कार्यक्रमका प्रमुख अतिथि बेनी नगरपालिकाकी उपप्रमुख ज्योति लामिछानेले कार्यक्रमको उद्घाटन गर्नु भएको थियो । कार्यक्रमका विशिष्ट अतिथि तथा सहजकर्ता जिल्ला प्रहरी कार्यालय म्याग्दीका प्रनाउ सुर्य बहादुर थापाले कार्यक्रमलाई उपयोगी र प्रभावकारी बनाउनुका साथै सहभागीसँग अन्तरक्रिया गर्दै विद्युतीय (डिजिटल) हिंसाका रूप, असर तथा कानुनी कारबाहीबारे विस्तृत जानकारी प्रदान गर्नुभयो।
कार्यक्रममा सहभागि विद्यार्थी, महिलाहरू तथा सरोकारवालाहरूलाई विद्युतीय हिं
सा, अनलाइन दुरुपयोग, सुरक्षित इन्टरनेट प्रयोग, कानुनी सुरक्षा तथा महिलामा नेतृत्व विकास गर्न आवश्यक कौशलबारे विस्तृत रूपमा जानकारी गराइएको थियो।
त्यसैगरी अतिथिका रूपमा म्याग्दी बहुमुखी क्याम्पसका क्याम्पस प्रमुख श्रीधर शर्मासहित क्याम्पसका गुरुवर्ग, म्याग्दी उद्योग वाणिज्य संघका वरिष्ठ उपाध्यक्ष राजेस साक्य, प्रथम उपाध्यक्ष लिलाराम गौतम, महिला उद्यमी शाखाका महासचिव, कोषाध्यक्ष, सचिव, सह–सचिव एवं सदस्यहरू, स्थानीय पत्रकार तथा सहभागी विद्यार्थीहरूको उपस्थिति रहेको थियो।
