बेनी, मङ्सिर-१०, म्याग्दीको बेनी स्थित न्यु वेष्ट पोइन्ट विद्यालयले खेलाडी, प्रशिक्षक टिम म्यानेजर लगायतलाई सम्मान गरेको छ ।आज सोमबार, विद्यालयमा आयोजित एक कार्यक्रममा मंसीर ६ देखि ८ गते सम्म सञ्चालित बेनी नगर स्तरीय पाँचौ राष्ट्रपति रनिङ शिल्ड प्रतियोगितामा सहभागी भइ मेडल प्राप्त गर्ने विद्यार्थी खेलाडीलाइ सम्मान गरेको हो ।
विभिन्न विधामा सहभा भइ पदक प्राप्तगर्ने विद्यार्थीहरुलाई उनीहरुले प्राप्त गरेको स्वर्ण, रजत र काश्य पदकको आधारमा प्रति मेडल १५ सय, १ हजार र ५ सय का दरले १ लाख १० हजार बराबरको नगद, खादा मेडल र प्रमाण पत्र प्रदान गरिएको थियो । कार्यक्रममा खेल शिक्षक, टिम कोच, टिम म्यानेजरहरूलाइ समेत नगद ५ हजारकार खादा सहित सम्मान गरिएको हो । विद्यार्थी र शिक्षकहरुलाई वेष्ट पोइन्ट एजुकेशन म्याग्दी प्रा.ली.का अध्यक्ष यज्जनलाल शाक्य, शिक्षक अभिभावक संघका अध्यक्ष विष्णु रोका, संस्थापक निर्देशक हरिकृष्ण श्रेष्ठ, विद्यालयका प्रिन्सिपल डि.बी. दाहालले विद्यार्थीहरु, खेल शिक्षक, टिम कोच लाइ सम्मान गर्नु भएको थियो ।
पाचौं राष्ट्रपति रनिंग शिल्ड प्रतियोगितामा वेष्ट पोइन्ट विद्यालयले मार्सल आर्ट, एथलेटिक्स , कबड्डी र भलिबल खेलहरुमा कुल २२ स्वर्ण, १० रजत र १४ काँँस्य पदक प्राप्त गरेको थियो । मार्सल आर्टका १५ स्वर्ण पदकमध्ये जम्मा ६ स्वर्ण पदक मात्र उपाधिका लागि गणना गरिने नगरपालिकाको नियम अनुसार, १३ स्वर्ण ६ रजत र १४ काँस्य पदक हासिल गरी उपविजेता हुन सफल भएको थियो ।प्रतियोगितामा वेष्ट पोइन्ट विद्यालय कराँते छात्र, तेक्वान्दो छात्र र कवड्डी छात्रमा विधाको उत्कृष्ट खेलाडी हुन सफल भएका थिए ।
कार्यक्रममा प्रतियोगिता आयोजक बेनी नगरपालिका, खेलाडी विद्यार्थीहरुलाई हौसला र प्रोत्साहन् प्रदान गर्नुहुने सम्पूर्ण अभिभावकहरु, विद्यालयका अहोरात्र खट्ने सम्पूर्ण शिक्षक कर्मचारीहरु र सम्पूर्ण शुभचिन्तकहरुलाई विद्यालयले आभार तथा कृतज्ञता प्रकट गरेको छ ।
