जलजला, असार -२, पर्वतको जलजला- २ गैराटोल स्थित समाजकल्याण आधारभूत विद्यालयमा स्मार्ट प्रोजेक्टर हस्तान्तरण गरिएको छ जलजला-३ निवासी तथा हाल काठमाडौंमा व्यवसायी कल्याण जी.सी. ज्यूको सक्रियतामा कोरियाबाट प्राप्त दुई थान स्मार्ट प्रोजेक्टर हस्तान्तरण गरिएको हो । उक्त प्रोजेक्टरहरू जलजला-२ का वडा अध्यक्ष प्रकाश बहादुर घर्ती क्षेत्रीबाट विद्यालयलाई हस्तान्तरण गरिएको थियो।
यसै अवसरमा शैक्षिक सत्र २०८० का लागि दलित छात्रवृत्ति वितरण, पुरस्कार वितरण तथा अभिभावक-शिक्षक अन्तरक्रिया कार्यक्रम पनि सम्पन्न गरियो। कार्यक्रममा विद्यालयका अध्यक्ष कमल बोहोरा तथा प्रमुख अतिथि प्रकाश बहादुर घर्ती क्षेत्रीले आफ्नो मन्तव्य राख्नुभएको थियो । कार्यक्रमको स्वागत विद्यालयका प्रधानाध्यापक डम्बर बहादुर घर्ती क्षेत्री र संचालन इन्द्र बहादुर बिश्वकर्माले गर्नुभएको थियो ।
यो कार्यक्रमले विद्यालयको शैक्षिक गुणस्तर वृद्धि तथा प्रविधिमैत्री शिक्षाको प्रवर्धनमा महत्वपूर्ण योगदान पुर्याउने विश्वास लिइएको छ।
