बेनी, माघ-१२, म्याग्दीको बेनीमा बिहिबार खुकुरी प्रहार गरेर एक युवाको हत्यामा संलग्न भएका चार जनालाई जिल्ला प्रहरी कार्यालय म्याग्दीले पक्राउ गरेको छ । पक्राउ पर्नेहरुमा धवलागिरी गाउँपालिका वडा नम्बर ४ मुदीका वर्ष २१ का अमृत पुर्जा, रघुगंगा गाउँपालिका वडा नम्बर ७ स्थायी ठेगाना भई हाल बेनी नगरपालिका ९ गलेश्वर बस्ने वर्ष १९ का उत्सव पुन, धवलागिरी गाउँपालिका ४ हाल बेनपा ८ न्यूरोडमा बस्ने वर्ष २१ को शंकर घर्तीमगर र मंगला गाउँपालिका वडा नम्बर ४ घर भई हाल बेनी नगरपालिका ७ वस्ने वर्ष २३ को प्रविन जिसीलाई पक्राउ गरिएको जिल्ला प्रहरी कार्यालयले पक्राउ गरी सार्वजनिक गरेको हो ।
पक्राउ परेका चार जनालाई ज्यान सम्बन्धि मुद्धामा जिल्ला अदालतबाट पाँच दिनको म्याद थप गरी बाँकी अनुसन्धान गरिने प्रहरीले जनाएको छ । युवाहरुको दुई समुह विच हानाहान हुँदा रघुगंगा गाउँपालिका–१ बेगका घर भई हाल बेनी नगरपालिका–८ पिपलचोक बस्ने २१ बर्षीय सुशिल गर्वुजाको मृत्यु भएको थियो । खुकुरी प्रहारबाट गम्भिर घाइते भएका गर्बुजाको उपचारका लागि बेनी अस्पतालमा पु¥याएको एकैछिनमा चिकित्सकले मृत घोषणा गरेका थिए ।
