बेनी, मंगसिर-२६, म्याग्दीको न्यु वेष्ट पोइन्ट आवासीय मावि जिल्ला स्तरीय अन्तर मावि हाजिरी जवाफ प्रतियोगितामा प्रथम भएको छ । सदरमुकाम बेनीबजारस्थित लिटल गार्डेन एकेडेमीले २० औं वार्षिकोत्सवको अवसरमा बुधवार आयोजित तेस्रो जिल्ला स्तरिय अन्तर माध्यामिक विद्यालय रनिङ हाजिरीजवाफ प्रतियोगितामा न्यू वेष्ट पोइन्ट आवसिय मा.वि प्रथम भएको हो ।
प्रतियोगितामा लिटल गार्डेन एकेडेमी दोस्रो र पोलत्स्य माध्यामिक विद्यालय तेस्रो भएको विद्यालयका प्रिन्सिपल दिपक सुबेदीले बताउनुभयो । प्रतियोगितामा विजेतालाई रनिङ ट्रफी, नगद ८ हजार, ६ हजार ३ हजार र प्रमाणपत्र शिक्षा विकास तथा समन्वय इकाइ प्रमुख दलबहादुर थापाले पुरस्कार वितरण गर्नुभएको थियो ।
पहिलो र दोस्रो रनिङ शिल्ड आयोजक लिटल गार्डेनले जितेको थियो । प्रतियोगितामा जिल्लाका ११ विद्यालयहरुको सहभागिता रहेको थियो । बार्षिकत्सवको अवसरमा स्वास्थ्य परीक्षण, अभिभावक खेलकुद, सदनस्तरीरको खेलकुदका साथै विभिन्न कार्यक्रमहरु भइरहेको छ ।
