मोहन बहादुर मल्ल साहित्य प्रतिष्ठानको बिसौं  साधारण सभा तथा  छैटौँ अधिवेशन सम्पन्न

जलजला, मंसिर-२,  मोहन बहादुर मल्ल साहित्य प्रतिष्ठानको बिसौं  साधारण सभा तथा  छैटौँ अधिवेशन सम्पन्न भएको छ । आज (शनिबार)  भवानी आधारभूत विद्यालय जलजला -४मल्लाजमा एक कार्यक्रमका विच प्रतिष्ठानको साधारण सभा तथा अधिबेशन सम्पन्न भएको हो । अधिबेशनले साहित्यकार  केदार पौडेलको अध्यक्षतामा सर्वसम्मत  नयाँ कार्यसमिति चयन गरेको छ ।

प्रतिष्ठानको नव निर्वाचित कार्यसमितिको उपाध्यक्षमा शेषराज रेग्मी, सचिव हरिप्रसाद पौडेल, सहसचिव  अमृता पौडेल रेग्मी, कोषाध्यक्ष  जीवन मूल्ल असफल रहनुभएको छ । त्यसैगरी सदस्यहरुमा  मनोहर पौडेल, गोपाल प्रसाद आचार्य  हरिकृष्ण आचार्य,  सनिता कार्की, बलराम रेग्मी,  तुलसी रेग्मी पौडेल , अमृत बरुवाल र हरिबहादुर जि.सी. रहनुभएको छ  ।

कार्यक्रमको प्रमुख अतिथि जलजला गाउँ पालिकाका अध्यक्ष राजु प्रसाद आचार्यले  ब्यानर पढेर  उद्घाटन गर्नुभएको थियो। कार्यक्रमको उद्घाटन गर्नुहुँदै प्रमुख अतिथि आचार्यले साहित्यकार मोहन बहादुर मल्लको योगदानको चर्चा गर्नुभएको थियो । कार्यक्रममा  काठमाडौ देखि स्रष्टा पदयात्रामा आएका १६ जना समेतको उपस्थिति रहेको थियो  ।त्यसैगरी कार्यक्रममा विभिन्न साहित्यकारहरुले रचना बाचन समेत गर्नुभएको थियो ।

प्रतिष्ठानका अध्यक्ष दिपक बहादुर मल्लको अध्यक्षतामा सम्पन्न कार्यक्रमको संचालन  प्रतिष्ठानका  सचिव गाेपाल प्रसाद आचार्य र स्वागत   केदारप्रसाद पाैडेलले गर्नुभएको थियो ।