बेनी, भदौ-१३, म्याग्दीको बेनी स्थित न्यु वेष्ट पोइन्ट विद्यालयले कक्षा ११ का विद्यार्थीहरुलाई स्वागत गरेको छ । शैक्षिक सत्र २०८०/८१ का लागी कक्षा ११ मा भर्ना भएका विद्यार्थीहरुलाई बुधबार एक कार्यक्रमको आयोजना गरि स्वागत गरिएको हो । विद्यालयमा कक्षा १२ अध्ययन गर्ने विद्यार्थीहरुको आयोजनामा नव आगन्तुक विद्यार्थीहरुलाई वेष्ट पोइन्ट एजुकेशन फाउन्डेसन म्याग्दी प्रालीका अध्यक्ष एवं कार्यक्रमका प्रमुख अध्यक्ष यज्जनलाल शाक्य, संस्थापक निर्देशकहरु सुदर्शन कुमार श्रेष्ठ, हरिकृष्ण श्रेष्ठ, प्रिन्सिपल डि.वी. दाहाल र कार्यक्रमका अन्योजक कक्षा १२ सेक्सन ए का अनुषा बरुवालले खादा, अविर, पुष्पगुच्छा र चकलेट प्रदान गर्दै स्वागत गर्नुभएको हो ।
प्रमुख अतिथि फाउन्डेसनका अध्यक्ष शाक्यले वेष्ट पोइन्ट विद्यालयलाई रोजेर आउने सम्पुर्ण विद्यार्थीहरुलाई शुभकामना दिदै शैक्षिक गुणस्तर बृद्दीको लागी आफुहरुले लगानी गर्न सधै तत्पर रहेको बताउदै प्रबिधि मैत्री कक्षा निर्माण भैरहेको बताउनुभयो । कार्यक्रममा संस्थापक निर्देशक सुदर्शन कुमार श्रेष्ठले, शिक्षा हरेक क्षेत्रमा आबश्यक रहेको बताउदै विद्यार्थीहरुलाई ज्ञानको भवसागरमा डुबुल्की मारेर आनन्द लिन सक्नुपर्ने बताउनुभयो । उहाँले विद्यार्थीहरुलाई उत्प्रेरणा प्रदान गर्दै, पढ्नु पास हुनु मात्रै नभई ब्यक्ती, परिवार, समाज र राष्ट्रकोलागी योगदान दिन सक्नु पर्ने बताउनुभयो ।
विद्यालयका प्रिन्सिपल डीबी दाहालले म्याग्दी जिल्लामा धेरै विद्यार्थीको रोजाई वेष्ट पोइन्ट भएको आफुले बुझेको र विद्यार्थीको रोजाइ अनुसार नतिजा पनि उत्कृष्ट रहेको बताउदै यो शैक्षिक उपलब्धिलाई जोगाउदै अझै नयाँ अभ्यास भैरहेको बताउनुभयो । अहिले कक्षा ११ मा १०७ जना विद्यार्थीहरु भर्ना भएका र एसइइ ग्रेड बृद्दी परिक्षाको नतिजा पछी पनि केहि विद्यार्थी भर्ना गर्न सकिने उहाँले जानकारी दिनुभयो ।
कार्यक्रममा कक्षा ११ का तर्फबाट सेक्सन “बि” बर्खा थापा र सेक्सन “ए” का बाट जाफ्रिन हुसेनले मन्तब्य राखेका थिए ।
स्वागत कार्यक्रम सेक्सन “ए” का अनुषा बरुवालको अध्यक्षता, सेक्सन “सी” का सुभम श्रेष्ठको स्वागत र संचालन सेक्सन “बि” का सुष्मिता जि.सी. र निरज रोकाले गरेका थिए । कार्यक्रममा विद्यार्थीहरुबाट मनोरन्जनात्मक गीत तथा नृत्यहरु प्रस्तुत गरिएको वेष्ट पोइन्ट मिडिया हबले जनाएको छ ।
