पर्वत, फागुन-२४, जलजला गाउँ पालिकाले ११ औं अन्तराष्ट्रिय महिला दिवस विविध कार्यक्रम गरी मनाएको छ । जलजला गाउँपालिकाले बुधबार पालिकाको लामखेतस्थित हलमा ‘लैङ्गिक समानताका लागि बलियो आधार, सिर्जनात्मक प्रविधिमा महिलाको पुहँच विस्तार’ भन्ने मूल राष्ट्रिय नाराका साथ आयोजना गरेको कार्यक्रमको उद्घाटन गाउँपालिकाका उपाध्यक्ष दिपक आचार्यले गर्नुभएको थियो ।
११ औं अन्तराष्ट्रिय महिला दिवसको अवसरमा पालिका स्तरीय महिला अधिकार सम्बन्धि लोकगीत प्रतियोगिता र र मेच घुमाइ खेल आयोजना गरिएको थियो । महिला अधिकार विषयक लोक गीत प्रतियोगितामा पालिकाका ९ वटा टिमको सहहागिता रहेको थियो । प्रतियोगितामा पंचमुल आमा समूह जलजला -५, लेखफाट प्रथम, नव भवानी आमा समूह जलजला -४ द्वितीय, महिला सुधार आमा समूह जलजला-७ धाइरिंग तृतीय र लक्ष्य सफल आमा समूह जलजला-७ धाइरिंग स्वन्त्वना भएका छन् । बिजेतालाइ क्रमश १३ हजार ३ सय ३३, १० हजार र ६ हजार, ६ सय ६६ र सान्त्वना आकर्षक पुरस्कार र प्रमाण पत्र प्रदान गरिएको छ ।
त्यसैगरी म्युजिकल चेयर प्रतियोगितामा प्रथमहुने रन्जिता परियार, द्वितीयहुने सिता सुबेदी र तृतीय हुने यसोदा आचार्यलाइ क्रमश ३ हजार ५ सय, २ हजार ५ सय र १५ सय नगद पुरस्कार र प्रमाण पत्र प्रदान गरिएको छ बिजेतालाई प्रमुख अतिथि उपाध्यक्ष दिपक आचार्य, कार्यक्रमका अध्यक्ष माया कुमारी भुषाल कार्यपालिका सदस्य भीमसेन बराइलीले नगद खादाले सम्मान गर्नुभएको थियो । कार्यक्रममा जलजला गाउँपालिकामा कार्यरत महिल्ला कर्मचारीहरुले समेत गीत तथा नृत्य प्रस्तुत गरेका थिए ।
दिवसको अवसरमा आमा समुहका प्रतिनिधिहरु र उपस्थित महिलाहरुका लागि महिला अधिकारकर्मी म्याग्दी बहुमुखी क्याम्पसका प्राध्यापक रेखा कौशल रेग्मीले महिला सशक्तिकरण र प्रविधिमा महिलाको पहुच बिषयमा प्रशिक्षण गर्नुभएको थियो । कार्यपालिकाका महिला सदस्य माया कुमारी भुषालको अध्यक्षतामा भएको कार्यक्रममा प्रमुख अतिथि पालिकाका उपाध्यक्ष आचार्यले महिला अधिकार सुनिश्चतगर्न र महिला सशक्तिकरणको सवालमा पालिका सधै प्रतिवद्ध रहेको बताउनुभयो । कार्यक्रममा नेपाल महिला संघ जलजलाका अध्यक्ष लक्ष्मी हमाल र अखिल नेपाल महिला संघ क्रान्तिकारी जलजलाका सिता मल्लले शुभकामना मन्तव्य राख्नुभएको थियो ।
जलजला गाउँपालिका शिक्षा शाखाका प्राविधिक सहायक देवी रिजालको स्वागत मन्तव्य रहेको कार्यक्रमको संचालन महिला तथा बालबालिका शाखाका निरीक्षक बिन्दु शर्मा आचार्यको संचालनमा सम्पन्न भएको । कार्यक्रममा कार्यपालिका सदस्य भीमसेन बराइली, वडा सदस्यहरु लगायतको उपस्थित रहेको थियो । अन्तर्राष्ट्रिय महिला दिवस विश्वभरका महिलाहरूको हक-हित र अधिकार प्राप्त गरेको दिनको रूपमा मार्च ८ लाई मनाउदै आएका छन् ।
