बेनी, पुष-२१, म्याग्दीको बेनी स्थित न्यु वेष्ट पोइन्ट माविले एथलेटिक्स रेफ्री सिदान्त अधिकारीलाई सम्मान गरेको छ । म्याग्दीको बेनीमा संचालन भएको तेश्रो नगरस्तरीय राष्ट्रपति रनिंग शिल्ड संचालनको लागी मुख्य रेफ्रीको रुपमा बेनी आउनुभएका आफ्ना पुर्व विद्यार्थी अधिकारीलाई विद्यालयमा एक कार्यक्रमको आयोजना गरि सम्मान गरेको हो ।
न्यु वेष्ट पोइन्ट आवासीय माविका आठौँ एसएलसी ब्याच (२०६४) का विद्यार्थी सिदान्त अधिकारीलाइ वेष्ट पोइन्ट एजुकेशन फाउन्डेसन म्याग्दी प्रा.लि. का अध्यक्ष यज्जनलाल शाक्य खेलकुद शिक्षक दिपेन राइले संयुक्त रुपमा सम्मान-पत्र र दोसल्ला ओढाई सम्मान गर्नु भएको हो । सम्मान कार्यक्रममा शिक्षक अभिभावक संघका सदस्य बिक्रम सुबेदी र बिपिन श्रेष्ठ समेत उपस्थित हुनुहुन्थ्यो ।
सम्मानित व्यक्तित्व अधिकारीले मन्तव्य ब्यक्त गर्दै वेष्ट पोइन्टको माटोलाई आफुले शिरमा लगाएर खेलकुद शुभारम्भ गरेको यहि आगनमा लड्दै उठ्दै गरेका पल र उठाउदै खेल्न सिकाउने गुरु दिपेन राइ, आफ्ना समकक्षी साथीहरु र गुरुहरुलाई सम्झना गर्नुभएको थियो ।
विद्यालयको प्रार्थना सभामा सम्बोधन गर्दा अत्यन्तै भावुक र गहभरी आँशु पार्दै उहाँले भन्नु भयो ” बर्षौंपछि यो ग्राउण्ड देख्दा, विद्यालयको ड्रेस देख्दा मलाइ तिनै दिन याद आए. फेस्टिभल, बिरेन्द्र शिल्ड, राष्ट्रपती कप जितेर धेरैपटक रमाएका क्षण र त्यो बेलाका साथीहरुलाई सम्झेर अत्यन्तै भाबुक हुनुभएको थियो । ” के गर्ने ति दिन फेरी आउदैनन्, तर त्योबेलाका साथीहरुलाई अझै पनि धेरै सम्झना गरिरहेको छु ” । उहाँले वेष्ट पोइन्टले पढाइ र खेलक्षेत्रमा जिल्लामा आफ्नो विशिष्टता कायम गरेकोमा आफुलाई गौरब लागेको समेत बताउनुभयो ।
पोखरा महानगरपालिका बुधिबजार निवासी सिद्दान्त अधिकारी आफ्ना बुवा सरकारी कर्मचारी भएका कारण बुवाको म्यग्दीबसेर वेष्ट पोइन्ट स्कुलमा अध्ययन गर्नुभएको थियो । अहिले अधिकारी गण्डकी प्रदेश खेलकुद परिषद्का एथलेटिक्स परामर्शदाता हुनुहुन्छ भने उहाँ छैटौं राष्ट्रिय खेलकुद प्रतियोगिताका ८०० मिटर, १५०० मिटर र ४x ४०० मिटर रिलेका स्वर्ण पदक बिजेता , भारतमा संम्पन्न अन्तर प्रादेशिक एथलेटिक्स प्रतियोगितामा १५०० मिटर दौडमा स्वर्ण पदक, सन् २०१६मा भारतमा सम्पन्न फेडेरेशन कपमा १५०० मिटरमा आफैले बनाएको रेकर्ड रेकर्ड तोड्दै स्वर्ण पदक प्राप्त गर्नु भएको छ । त्यसैगरी उहाँले छैटौं राष्ट्रिय खेलकुद प्रतियोगितामा ४०० र १०० मिटर दौडमा रजत पदक, पाचौं खेलकुद प्रतियोगितामा ८०० मिटरमा रजत पदक समेत प्राप्तगर्नु भएको छ ।
पढाइमा समेत अब्बल अधिकारीले वेष्ट पोइन्टको तर्फबाट थुप्रै खेल खेल्दै जिल्ला स्तरीय राष्ट्रपति कप , अन्तर विद्यालय खेलकुद प्रतियोगिताहरुमा बिजय हासिल गर्दै सधै उत्कृष्ट खेलाडीको रुपमा अवार्ड जित्नु भएको छ । सम्मान कार्यक्रम पश्चात उहाँले तेश्रो नगर स्तरीय राष्ट्रपतीकप प्रतियोगितामा वेष्ट पोइन्टका सभागी खेलाडी र अन्य विद्यार्थीहरुलाई खेल कौशल र क्षमता अभिवबृद्दीका बारेमा प्रशिक्षण दिनुभएको विद्यालयका भाइस प्रिन्सिपल कृष्ण जिसीले बताउनुभएको छ ।
