जलजला, साउन २१, पर्वतको जलजला-२ स्थित समाजकल्याण प्राथमिक विद्यालयमा छात्रवृत्ति वितरण गरिएको छ । साउन २० गते शुक्रबार माझफाट गैराटोल स्थित विद्यालयमा छात्रवृत्ति वितरण र जनप्रतिनिधि, विद्यालय ब्यबस्थापन समिति, शिक्षक अभिभावक संघ, अभिभावक र सरोकारवालाबिच अन्तरक्रिया समेत सम्पन्न भएको हो ।
अन्तरक्रिया कार्यक्रममा विद्यालयको शैक्षिक गुणस्तर बृद्दीगर्ने बिषयमा व्यापक छलफल भएको छ । अन्तरक्रिया कार्यक्रममा सहभागी अधिकांश बक्ताले विद्यालयले केहि वर्षदेखि शैक्षिक सुधार गरिरहेको र विद्यालयप्रती अभिभावक र प्रबासमा रहेका व्यक्तिको समेत चासो भएकोले आगामी दिनमा यसको स्तर बृद्दीहुने कुरामा बिश्वस्त रहेको बताए ।
कार्यक्रममा बाबुराम कार्की, नेपाली कांग्रेसका जलजला २ का सचिव सचिव नबिन जि सी, जलजला २ का बडा सदस्य शान्ति नेपाली , सदस्य सुमन नेपाली र कुलबहादुर बिक, अभिभावक कमल नेपाली रामु नेपाली पदम नेपाली लगायतले मन्तब्य ब्यक्त गर्नु भएको थियो । विद्यालय ब्यबस्थापन समितिका सदस्य कमल बोहोराको अध्यक्षता शिक्षक सिमा नेपालीको स्वागतमा सम्पन्न भएको कार्यक्रमको विद्यालयका प्रधानाध्यापक डम्वरबहादुर घर्ती क्षत्रीले गर्नु भएको थियो ।
