पोखरा, साउन-८, म्याग्दीकी मिलन थापा मगरले पाँचौं मिस मगर नेपाल २०२२ को उपाधि जितेकी छिन । एसटी क्रियशन म्यानेजमेन्टद्वारा आयोजित प्रतियोगिताको शुक्रबार पोखरामा सम्पन्न ग्राण्ड फिनालेमा ११ जना प्रतिस्पर्धीलाई पछिपार्दै मिलनले बिजेताको ताज पहिरिएकी हुन् । बिजेताको उपाधी संगै उनले ७० हजार रुपैयाँ नगद पुरस्कार प्राप्त गरेकी छिन
म्याग्दीको बेनी नगरपालिका वडा नम्बर १० निवासी मिलनले न्यु वेष्ट पोइन्ट आवासीय मावी बाट SEE उत्तीर्ण गरी बेनी स्थित प्रकाश माविबाट विज्ञान विषयमा कक्षा १२ काे परीक्षा दिएकी छिन । विद्यालयमा अध्ययन गर्दादेखि नै नृत्यमा समेत अब्बल मिलनले जिल्लामा हुने अधिकांश प्रतियोगितामा बिजेता हुदै क्षेत्रीय प्रतियोगितामा समेत उपाधी जितेकी छिन।
यसैगरी फष्ट रनरअफ भावना खपांगीमगले जितेकी छिन उनले ३० हजार रुपैयाँ नगद पुरस्कार प्राप्त गरिन भने दुर्गा रानामगर सेकेन्ड रनरअप हुदै २० हजार रुपैयाँ नगद पुरस्कार प्राप्तगरेकी छिन । यसैगरी थर्ड रनरअप बन्न सफल मीना गर्बुजा मगरले १० हजार रुपैयाँ नगद पुरस्कार जितेकी छिन । विजेताहरुलाई गण्डकी प्रदेशका मन्त्री मेखलाल श्रेष्ठले पुरस्कार प्रदान गरेका थिए ।
