कुश्मा बजार क्षेत्रमा सडक निर्माणको काम अलपत्र पारेको भन्दै स्थानीयद्वारा विरोध

पर्वत, भदौ-५, पर्वतको कुश्माका स्थानीयबासिन्दा बिरोधमा उत्रिएका छन्  । मध्य पहाडी लोकमार्ग अन्तर्गत पर्वत खण्डको कुश्मा बजार क्षेत्रको सडक निर्माणमा ढिलाई गरेको भन्दै स्थानीयले विरोध गरेका हुन् । निर्माणधिन लोकमार्गको कुश्मा बजार क्षेत्रमा सडक निर्माणको काम एक तर्फी भए पनि अर्को तर्फ अलपत्र परेको छ । लामो समयसम्म एक तर्फी मात्र सडक निर्माण गरेको कम्पनीले सडक निर्माणमा ढिलाई गरेपछि स्थानीयले विरोध जनाएका हुन् ।

सडक एकतर्फी निर्माण गरेर अर्कोतर्फ अलपत्र पारेर छोड्दा   चाडपर्व मुखैमा आइरहेको बेलामा, ब्यवसाय गर्नेहरुलाई मार परेको स्थानिय र व्यवसायीले गुनासो गएका छन्  । मानिसको आगमनमा समेत असर पर्ने गरी सडक अलपत्र पारेपछि स्थानीयले मध्यपहाडी लोकमार्ग आयोजना कार्यालय र निर्माण ब्यवसायीको ध्यानाकर्षण गराएका छन् ।

आयोजनाले एक तर्फी सडक निर्माण सम्पन्न गरे पनि अर्को लेन अलपत्र छोडेको छ । आयोजनाको पर्वत खण्डको अधिकांश काम सकिए पनि बर्षातका कारण अधिकांश ठाउँमा भने पहिरो गएको छ ।