कुश्मा नगरपालिका विद्यालयहरु असोज १ गते देखि भौतिक रुपमा  संचालन हुने

कुश्मा, भदौ-२७,  पर्वतको  कुश्मा नगरपालिका  सबै  विद्यालयहरु असोज १ गते देखि भौतिक रुपमा  संचालन हुने भएका छन्  । कुश्मा नगरपालिकाको आज बसेको बैठकले कोरोनाका कारण पठन-पाठन ठप्प भएका नगरपालिकाका विद्यालयहरु असोज १ गते देखि संचालन गर्ने निर्णय गरेको हो ।

कुश्मा नगरपालिकाका मेयर रामचन्द्र जोशी को अध्यक्षतामा  सरोकारवालाहरु संगको बैठकले स्वास्थ्य, शुरक्षाका मापदण्ड पालना गर्दै नगरपालिकाका सम्पूर्ण सामुदायिक र संस्थागत विद्यालय संचालन गर्न सुचना जारी गर्दै अनुरोध गरेको छ ।

कोरोना महामारीका कारण २०७७ चैत देखि विद्यालयहरुमा भौतिक रुपमा संचालन हुन सकेका छैन सरकारले बैकल्पिक रुपमा विद्यालय संचालन गर्न भनेपनि बिद्युत, इन्टरनेट लगायतको समस्याका कारण अनलाइन सिकाइ प्रभावकारी बन्न नसकेको गुनासो रहेको थियो ।