ऐतिहासिक पर्यटकीय स्थल चिनाकोटमा बन्यो पुर्बधार

१२ भाद्र २०७८ शनिबार 

दर्पण रोकामगर, बरङ्जा म्याग्दी।

म्याग्दीको  मङ्गला गाउपालिका, ३ बरङ्जा खानिगाउमा रहेको ऐतिहासिक पर्यटकिय स्थल चिनाकोटमा पूर्वाधार निर्माण सम्पन्न भएको छ । पर्यटन उद्दोग वातावरण वन भु तथा जलाधर ब्यबस्थापन मन्त्रलायको २० लाख रकम मार्फत  चिनाकोटमा सेप्रेभन्ने ठाउँबाट  पानी ल्याईएको हो ।

मुहानमा ३ वटा ईनट्यान्क बाघ हान्नेमा १ वटा रिजर्भ ट्यान्की निर्माण गरि चिनाकोटमा पानी ल्याई पुर्याएको हो। समुद्री सतही देखी करिब २२०० मिटर उचाईमा रहेको चिनाकोटमा पहिले यात्रा गर्न सकस थियो अग्लो पहाड हुनु र साघुरो बाटो हुनुले खासै पर्यटकको ध्यान पुग्न नसकेको चिनाकोटमा अहिले पक्की सिढी र रेलिङ्ग निर्माण गरिएको छ । यस्ले गर्दा आन्तरिक पर्यटकको घुईचो लाग्न थालेको झाक्रीपानी चिनाकोट पुर्बधार निर्माणका अध्यक्ष रन बहादुर रोकाले जानकारी दिनु भयो।

तस्विर : दर्पण रोका

ऐतिहासिक चिनाकोटमा पुर्बधार निर्माण गर्न ५३ जना कामदारले करिब २ महिना काम गरेका थिए भने खानिगाउ, दुर्दी, बाहुन पधेरा, थर्पु लगाएतका गाउले जनश्रमदान समेत गरेका थिए ।

कुल बजेटबाट कर कट्टी पश्चातको रकम १९ लाख २० हजार रुपैयाँले  खानेपानी, रेलिङ्ग, सिढी, ट्वाईलेट, धारो निर्माण गरिएको समितिका सचिब कमल रोकाले जानकारी दिनुभयो  ।पूर्वाधार निर्माणका लागी तिन किस्तामा रकम उपलब्ध गराइएको  भु तथा जलाधर कार्यलयका सहायक अधिकृत सम्भुजित मिश्रले जानकारी दिनु भयो।

ऐतिहासिक  चिनाकोट बाइसे चौबिसे राजाको पालामा  राजा आएर दलबल सहित बसेको ईतिहास छ भने उनिहरुले प्रयोग गरेको हतियार खुडा तरबार ढाल हरु थर्पु कोटमा अझै सुरक्षित राखिएको छ। त्यहा रानिले कपाल कोर्ने ठाउ,पानी राख्ने पधेरा सुरक्षाको लागी बनाईएको बङकर र भग्नाअबशेष दरबार अझै रहेको छ ।

चिनाकोटलाई पुर्बजले बेहुला बेहुली भनेर नामाकरण गरेका छन। पर्यटनको अत्यन्तै सम्भावना बोकेको उक्त ठाउलाई बिकास गर्न सम्बन्धित निकाएको ध्यान जान आवश्यक रहेको स्थानिय चिनाकोट युवा कलबका अध्यक्ष गमश रोकाले बताउनु भयो। जति बजेट आएको थियो त्यसले महत्त्वपूर्ण काम गरेको तर बजेट अपुग भएकोले थप पुर्बधार निर्माणमा समस्या भएको अध्यक्ष रन बहादुर रोकाले बताउनु भएको छ ।