जलजला, साउन-२९, सिद्ध बाबा युवाक्लवले अबरुद्द खानेपानी सुचारु गराएको छ । अबिरल बर्षा पछिको पहिरोका कारण २ महिनादेखी अबरुद्द बगरफाट झाक्री खोला खानेपानी युवा क्लवको पहलमा मर्मत गरेर सुचारु भएको हो । खानेपानी अबरुद्ध हुदा जलजला २ र ३ बगरबासीलाइ पिउने पानीको समस्या परेको थियो ।
पटक पटकको प्रयास पछी श्रावण ९ गते क्लबका सदस्यहरु र स्थानीयको प्रयासले पहिरोले क्षत विक्षत बनाएका पाइपलाइ मर्मत गर्दै ट्यान्की सम्म पानी ल्याउन सफल भएको क्लवका अध्यक्ष जगत गैरेले बताउनु भयो ।
” बर्षैदेखी सफा नगरिएको र फोहोर भएको पानी ट्यान्किलाइ साउन १ गते सफा गरिएको छ ।आज बिहानैदेखि धारामा पनि सुचारु भएको छ” अध्यक्ष गैरेले बताउनुभयो । सिद्द बाबा युवा क्लवले खानेपानी सुचारुगर्न सहयोग गर्ने सबै प्रति धन्यबाद प्रकट गरेको छ ।
क्लवले बगर क्षेत्रमा वृक्षारोपण, सरसफाई, बाढीपहिरो नियन्त्रण, जनचेतनामुलक कार्यगर्दै आइरहेको छ ।
