पर्वत, जेठ-२०, जलजला -५ लेकफाट स्थित ग्राम प्रकाश माध्यमिक विद्यालयमा प्रवेश-द्वार निर्माण गरिएको छ । विद्यालयका पुर्व शिक्षक शिक्षक, आफ्ना बुबा स्वर्गीय दल बहादुर थापाको सम्झनामा छोरा बुहारी रमेश थापा र सुनिता थापाले बुवाले अध्यापन गराएको विद्यालयमा २ लाख १६ हजार ८सयको लागतमा सो द्वार निर्माण गराएका हुन् ।
आफ्ना बुवाले लामो समय सम्म अध्यापन गराएको र आफुले समेत अध्ययन गरेको विद्यालयमा यो सानो काम गर्न पाउदा आफुलाई खुसि लागेको रमेश थापाले बताए । उनले भने “विद्यालयमा आउने पुर्व विद्यार्थीहरु जसलाई बुवाले पढाउनु भयो उहाँहरुले बुवालाई पक्कै सम्झने छन् ।” विद्यालयका पुर्व विद्यार्थी एवं स्वर्गीय शिक्षक दलबहादुर थापाका छोरा बुहारी अहिले अस्ट्रेलियामा बसोबास गर्दै आइरहेका छन् ।
स्वर्गीय दल बहादुर थापा समाजकै एक लोकप्रिय शिक्षक र गाउँकै एक अभिभाबक समेत हुनुहुन्थ्यो । सेवा निबृत भएपछी लामो समयसम्म पक्षघातबाट ग्रसित भएर उहाँको निधन भएको थियो । उहाँको देहाबसनले गाउँको अभिभाबक नै गुमाएको आभास अहिलेसम्म पनि भएको गाउलेहरु बताउने गरेको लेकफाटबाट सागर केसीले जलजला अनलाइनलाई बताए ।
