SEE र कक्षा १२ को मोडालिटी परिवर्तन गरि परीक्षा संचालन गरिने

फाइल तस्विर

१२८९ पटक पढिएको

पर्वत, जेठ-५, सरकारले कक्षा १० को माध्यमिक शिक्षा परीक्षा (एसईई) तथा कक्षा १२ को राष्ट्रिय परीक्षा सञ्चालन गर्ने सम्बन्धमा अध्ययन सुरु गरेको छ ।

कोरोना (कोभिड–१९)को सङ्कट भइरहँदा आठ लाखभन्दा विद्यार्थीलाई कसरी परीक्षाको निकास दिने भन्नेबारे अध्ययन सुरु गरिएको हो । राष्ट्रिय परीक्षा बोर्डका अध्यक्ष प्रा. चन्द्रमणि पौडेलले परीक्षाको मोडालिटीमा बारेमा अध्ययन गर्न गठित कार्यदलले यस विषयमा अध्ययन थालिसकेको जानकारी दिनुभयो ।

बोर्डले जेठ १३ गतेबाट एसईई तथा जेठ अन्तिम साताबाट कक्षा १२ को परीक्षा संचालन गर्न तालिका समेत प्रकाशन गरेको थियो । कोरोना बढ्दै गई निषेधाज्ञाको चरणमा पुगेपछि परीक्षा स्थगित गरीएको हो । त्यसका लागि शिक्षा तथा मानव स्रोत विकास केन्द्रका महानिर्देशक वैकुण्ठ अर्यालको नेतृत्वमा अध्ययन समिति गठन बनाइएको छ ।

बोर्डका अध्यक्ष डा. पौडेलले आफूहरूले कार्यदलकै अध्ययन प्रतिवेदन पर्खेको र त्यसकै आधारमा उपयुक्त विकल्पमा निर्णय गरिने जानकारी दिनुभयो । कार्यदल वैशाख २७ गते नै गठन गरिएको थियो । कार्यदललाई १५ दिनको समयसीमा दिइएको थियो । छिट्टै नै नया मोडालिटी तयार भै परीक्षा संचालन हुने उहाँले बताउनुभयो ।

प्रतिक्रिया दिनुहोस