मे- ७, इङ्लिस क्लब म्यानचेस्टर युनाइटेड युरोपा लिगको फाइनलमा प्रवेश गरेको छ । बिहीबार राति भएको सेमिफाइनलको दोस्रो लेगमा इटालियन क्लब रोमासँग पराजित भए पनि समग्रमा जित निकाल्दै म्यानचेस्टर फाइनलमा प्रवेश गरेको हो ।
बिहीबार रातिको खेलमा रोमासँग म्यानचेस्टर ३-२ ले पराजित भएको थियो । तर, पहिलो लेगमा ६-२ को फराकिलो जित निकालेको म्यानचेस्टर समग्रमा ८-५ ले विजयी भयो ।
घरेलु मैदानमा एक गोल उपहारसहित रोमाका इडेन जेको र ब्रायन क्रिसटान्टेले गोल गरे पनि म्यानचेस्टरको फाइनल यात्रा रोकिएन । म्यानचेस्टरका लागि दुवै गोल इडिन्सन काभानीले गरेका थिए ।
गएराति नै भएको अर्को खेलमा आर्सनलसँग बराबरी खेल्दै भिलारियल पनि इतिहासमै पहिलो पटक युरोपा लिगको फाइनलमा पुगेको छ । गएरातिको खेल गोलरहित बराबरीमा सकिए पनि पहिलो लेगको २-० को नतिजाका आधारमा स्पेनिस क्लब भिल्लारियल फाइनलमा पुगेको हो ।
युनाइटेड र भिल्लारियलबीचको फाइनल खेल मे २७ तारिखमा हुनेछ ।
