म्याग्दी, १ बैसाख – क्षेत्री समाज म्याग्दीले नयाँ वर्ष २०७८ को अवसरमा शुभकामना तथा सम्मान कार्यक्रम गरेको छ । समाजले बैसाख १ गते नयाँ बर्षको अवसर पारेर जिल्लाका विभिन्न क्षेत्रमा प्रतिनिधित्व गरेका क्षेत्रीलाई सम्मान गरेको हो ।
समाजले हालै सम्पन्न पत्रकार महासंघ म्याग्दीको निर्वाचनमा बिजयी हुने क्षेत्री पत्रकारहरु अमर बनिया ( प्रदेश परिषद सदस्य ), बिक्रम बोगटी (प्रदेश परिषद सदस्य), निर्मल खत्री (प्रदेश परिषद सदस्य) रुद्र कुमारी खत्री (मालती) महिला उपाध्यक्ष, सन्दिप खत्री, कृष्ण बहादुर जिसी र कमल खत्री जिल्ला सदस्यलाइ सम्मान गरेको हो ।
त्यसैगरी कार्यक्रममा नेपाल घरेलु तथा साना उद्योग महासंघ जिल्ला समिति म्याग्दीको अध्यक्ष अम्मर बानिया, लायन्स क्लव अफ बेनी दोभानका अध्यक्ष नविना रावल, राष्ट्रिय प्रजान्त्र पार्टी बेनी नगर कमिटिको अध्यक्ष देबेन्द्र घिमिरेलाई पनि सम्मान गरेको छ ।
प्रमुख अतिथि क्षेत्रि समाज नेपालका केन्द्रीय सदस्य तथा निबर्तमान अध्यक्ष अमृत देबी बानिया संस्थापक अध्यक्ष एकेन्द्र रावल, उद्योग वाणिज्य संघ म्याग्दीका अध्यक्ष एवं अस्पताल बिकास समितिका अध्यक्ष बेलबहादुर कटुवाल, अध्यक्ष लक्ष्मी कुमारी केसिले ढाका टोपी पुस्पगुच्छा र अबिर लागाई सम्मान गर्नु भएको हो ।
कार्यक्रममा हालै सम्पन्न म्याग्दी उद्योग बाणिज्य संघ म्याग्दीको निर्बाचनमा अध्यक्ष जस्तो गरिमामय पदमा निर्बाचित भइ क्षेत्रीको गरिमा उच्च बनाएकोमा बेल बहादुर कटुवालप्रति पनि उच्च सम्मान प्रकट गरेको छ ।
कार्यक्रम क्षेत्री समाज म्याग्दीका अध्यक्ष लक्ष्मी कुमारी कार्कीको अध्यक्षता, सचिव हिम बहादुर भण्डारीको संचालन, कृष्ण सिंह बानियाको स्वागतमा सम्पन्न कार्यक्रममा सिता कुवर थापा, सम्मानित व्यक्तित्व अमर बानिया, बेलबहादुर कटुवाल, एकेन्द्र बहादुर रावल, अमृत देबी बानियाले शुभकामना मन्तब्य ब्यक्त गर्नु भएको थियो ।
