बेनी,साउन-२१, म्याग्दीको बेनीमा अवस्थित वेष्ट पोइन्ट आवासीय माध्यमिक विद्यालयले कक्षा १२ को बोर्ड परीक्षामा उत्कृष्ट नतिजा ल्याउने विद्यार्थीहरू र तिनीहरूका अभिभावकहरूलाई एक विशेष कार्यक्रमका बीच सम्मान गरेको छ।
राष्ट्रिय परीक्षा बोर्डद्वारा २०८२ साल वैशाखमा सञ्चालन गरिएको कक्षा १२ को परीक्षामा वेष्ट पोइन्ट आवासीय माविले उच्चतम जिपिए ३.९१ (बर्खा थापा) सहित ७५ प्रतिशत विद्यार्थी उत्तीर्ण गराउँदै उल्लेखनीय सफलता हासिल गरेको हो। वेष्ट पोइन्ट स्कुलबाट बर्खा थापाले प्राप्त गरेको जिपिए अक्षरांकन पद्दती (GPA) लागु भएपछी कक्षा १२ तर्फ म्याग्दी जिल्लाको अहिलेसम्मको उच्च जिपिए रहेको बताइएको छ । विद्यालयका आशिक रिजाल ३.८०, जिना राइ ३.७७, अंकित शाही ३.७१, सुस्मिता शर्मा ३.७१, बीपीला सापकोटा ३.७० र अआभाश श्रेष्ठले ३.६२ जिपिए प्राप्त गरेका छन् ।
बुधबार विद्यालय परिसरमा आयोजित सम्मान कार्यक्रममा ३.९१ जीपीए सहित सर्वोत्कृष्ट नतिजा ल्याउने बर्खा थापालाई नगद १० हजार रुपैयाँ, सम्मानपत्र र दोसल्ला ओढाई विशेष सम्मान प्रदान गरिएको थियो। त्यस्तै, उत्तीर्ण अन्य विद्यार्थीहरू र उनीहरूका अभिभावकहरूलाई पनि सम्मान गरिएको छ। कार्यक्रममा विषय शिक्षकहरुलाई पनि सम्मान गरिएको छ ।
कार्यक्रमका प्रमुख अतिथि शिक्षक अभिभावक संघ तथा विद्यालय व्यवस्थापन समितिका अध्यक्ष विष्णु कुमारी रोकाले उत्कृष्ट नतिजा ल्याउने सबै विद्यार्थीहरूलाई बधाई दिँदै विद्यालय परिवारको मेहनती प्रयासप्रति धन्यवाद प्रकट गर्नुभयो।
वेष्ट पोइन्ट एजुकेशन फाउन्डेसनका निवर्तमान अध्यक्ष यजनलाल शाक्यले विद्यालयले SEE, SLC र नगरस्तरीय परीक्षाहरूमा निरन्तर उत्कृष्टता देखाउँदै आएको उल्लेख गर्दै सम्पूर्ण शिक्षक, विद्यार्थी र अभिभावकलाई बधाई दिनुभयो।
सो अवसरमा प्राज्ञिक विभाग प्रमुख सुदर्शन कुमार श्रेष्ठ, सम्मानित विद्यार्थीको तर्फबाट बर्खा थापा, शिक्षक प्रतिनिधि सतिश श्रेष्ठले मन्तब्य ब्यक्त गर्नुभएको थियो ।
कार्यक्रम संस्थापक निर्देशक सुवास कुमार श्रेष्ठको अध्यक्षता, प्रिन्सिपल डिबी दाहालको स्वागत मन्तव्य र भाइस प्रिन्सिपल कृष्ण जिसीको सञ्चालनमा सम्पन्न भएको थियो।
वेष्ट पोइन्ट विद्यालयले यस वर्षको SEE को नतिजामा एक जना ४ जिपिए सहित सात प्रतिशत विद्यर्थिउत्तिर्न गराएको छ भने नगर स्तरीय कक्षा ५ को स्तरमापन परीपरीक्षामा उत्कृष्ट ठहरिएक थियो । विद्यालयले शैक्षिक क्षेत्रमै मात्र नभई विद्यार्थी र अभिभावकप्रतिको सम्मानभावमार्फत पनि शिक्षामा आत्मीयता र प्रेरणा सिर्जना गरिरहेको छ।
